टीम मंगळवेढा टाईम्स।
विधान परिषद निवडणुकीच्या पार्श्वभूमीवर मंगळवेढ्यातील राजकीय वातावरण कमालीचे तापले असून, तालुक्यातील दिग्गज आवताडे कुटुंबात ‘ऑल इज नॉट वेल’ की ही एक सुप्त राजकीय रणनीती? अशा चर्चांना उधाण आले आहे.
भाजपचे अधिकृत उमेदवार राजेंद्र राऊत यांच्या मंगळवेढा दौऱ्यादरम्यान ज्येष्ठ नेते बबनराव आवताडे आणि त्यांचे पुतणे आमदार समाधान आवताडे यांनी घेतलेल्या स्वतंत्र बैठकांमुळे राजकीय वर्तुळात चांगलीच खळबळजनक चर्चा सुरू झाली आहे.
नुकतीच राज्याचे मुख्यमंत्री देवेंद्र फडणवीस आणि पालकमंत्री जयकुमार गोरे यांची भेट घेतल्यानंतर बबनराव आवताडे यांच्या भाजप प्रवेशाच्या चर्चांनी जोर धरला आहे. अशातच, उमेदवार राजेंद्र राऊत यांच्या भेटीदरम्यान बबनराव आवताडे यांनी कार्यकर्त्यांची स्वतंत्र बैठक घेत भाजपला सहकार्य करण्याचे संकेत दिले.
विशेष म्हणजे, या बैठकीनंतर काही वेळातच आमदार समाधान आवताडे यांनी राजेंद्र राऊत यांच्यासोबत भाजप सभापती दीपाली ताड, नगरसेवक आणि जिल्हा परिषद सदस्यांची स्वतंत्र बैठक घेतली.
काकांच्या बैठकीपासून आमदार समाधान आवताडे यांनी राखलेले अंतर तालुक्यात राजकीय चर्चेचा मुख्य विषय बनले आहे.
गटबाजी की अंतर्गत रणनीती?
एकाच तालुक्यात, एकाच उमेदवारासाठी आणि काही तासांच्या अंतराने झालेल्या या दोन स्वतंत्र बैठकांमुळे विरोधकांच्या भुवया उंचावल्या आहेत.
मात्र, राजकीय विश्लेषकांच्या मते, या स्वतंत्र मोर्चेबांधणीमागे मतांचे विभाजन टाळण्याची आणि जास्तीत जास्त मतदान पदरात पाडून घेण्याची ‘मायक्रो-प्लॅनिंग रणनीती’ असू शकते.
काका आणि पुतण्या वेगवेगळ्या मार्गाने गेले तरी, या दोन्ही बैठकांचा अंतिम फायदा मात्र भाजप उमेदवार राजेंद्र राऊत यांनाच होणार असल्याचा सूर राजकीय वर्तुळातून उमटत आहे.
दोन्ही नेत्यांच्या वेगवेगळ्या रणनीतीमुळे भाजपची ताकद वाढणार की छुप्या संघर्षाचा फटका बसणार? हे येणारा काळच ठरवेल. पडद्यामागे नक्की काय शिजतंय, याकडे आता संपूर्ण सोलापूर जिल्ह्याचे लक्ष लागून राहिले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
