मंगळवेढा टाईम्स न्युज।
शाळेत ‘राष्ट्रीय जंतनाशक दिनानिमित्ताने दिलेल्या जंतनाशक गोळ्या खाल्ल्याने ८ विद्यार्थ्यांना विषबाधा झाल्याचा प्रकार आहेरवाडी (ता. द. सोलापूर) येथे घडला आहे.
गोळ्या खाल्ल्यानंतर या विद्यार्थ्यांना उलट्यांचा त्रास आणि पोटदुखी सुरू झाल्याने त्यांना उपचारासाठी तातडीने सोलापूरच्या शासकीय रुग्णालयात दाखल करण्यात आले आहे.
मानस सिद्धाराम कुटे (वय १०, रा. बंकलगी), शिवराज बाके (वय १०), आरोही चव्हाण (वय १०), आरोही वाघमारे (वय १२), मधुरी मोटे (वय १२),
भगवान हरि, शरणबसप्पा बाके, अथर्व पावली (वय ९) अशी उपचारासाठी शासकीय रुग्णालयात दाखल झालेल्या विद्यार्थ्यांची नावे आहेत.
मंगळवार, २७ऑक्टोबर दुपारी १.४५ वाजण्याच्या सुमारास आहेरवाडी येथील साई व्हिजन इंग्लिश मीडियम स्कूलमध्ये राष्ट्रीय जंतनाशक दिनानिमित्त विद्यार्थ्यांना जंतनाशक गोळ्या देण्यात आल्या होत्या. या गोळ्या खाल्ल्यानंतर काही वेळातच या ८ विद्यार्थ्यांना मळमळ, उलट्या आणि पोटदुखीचा त्रास सुरू झाला.
त्रास वाढल्याने शाळेतील शिक्षक आणि पालकांनी तत्काळ डॉ. पांढरे (रा. होटगी) यांच्या मदतीने या सर्व ८ विद्यार्थ्यांना मंगळवारी उपचारासाठी सोलापूरच्या शासकीय रुग्णालयात सायंकाळी ५.५५ वाजता दाखल केले.
सध्या हे सर्व आठही विद्यार्थी शुद्धीवर असून त्यांची प्रकृती स्थिर असल्याची माहिती डॉक्टरांनी दिली आहे.(स्रोत;लोकमत)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
