टीम मंगळवेढा टाईम्स ।
इतर मागासवर्गीय, भटक्या विमुक्त जमाती, भटक्या जाती, विशेष मागास वर्गाच्या नर्सिंग अभ्यासक्रमाला प्रवेश घेणाऱ्या विद्यार्थ्यांना आता अभ्यासक्रमांसाठी मॅट्रिकोत्तर शिष्यवृत्ती मिळण्यासाठीचा मार्ग मोकळा झाला आहे.
सामाजिक न्याय विभागांमार्फत महाडिबिटी प्रणालीवर मॅपिंग झालेले अभ्यासक्रम विमुक्त जाती, भटक्या जमाती,
इतर मागासवर्ग व विशेष मागास प्रवर्गास लागू असणाऱ्या शिष्यवृत्ती योजनेस महाडिबिटी प्रणालीवर मॅपिंग करण्यास मान्यता दिली आहे. राज्याच्या इतर मागास बहुजन कल्याण विभागाने यासंदर्भातील शासननिर्णय जाहीर केला आहे.
शासनाच्या सामाजिक न्याय व विशेष साहाय्य विभागातून इतर मागास बहुजन कल्याण विभाग हा वेगळा नव्याने विभाग निर्माण झाला आहे.
सामाजिक न्याय विभागामार्फत अनुसूचित जाती प्रवर्गातील विद्यार्थ्यांकरिता राबविण्यात येणाऱ्या मॅट्रिकोत्तर शिष्यवृत्तीच्या बहुतांश योजना इतर मागास बहुजन कल्याण विभागामार्फत विमुक्त जाती भटक्या जाती, इतर मागास वर्ग व विशेष मागास प्रवर्गातील विद्यार्थ्यांकरिता राबविण्यात येतात.
परंतु या प्रवर्गातील विद्यार्थ्यांना मॅट्रिकोत्तर शिष्यवृत्ती मिळण्यासाठी अनुज्ञेय अभ्यासक्रमांचे मॅपिंग केले नसल्याने या प्रवर्गातील विद्यार्थी शिष्यवृत्तीपासून वंचित राहत होते.
या विद्यार्थ्यांना शिष्यवृत्ती मिळावी यासाठी खासगी नर्सिंग स्कूल मॅनेजमेंट असोसिएशनचे राज्याध्यक्ष डॉ. बाळासाहेब पवार, राज्याचे समन्वयक डॉ. राहुल जवंजाळ, सचिव शंकरराव आडसुळ, खजिनदार विनोद गायकवाड सचिन देसाई, राष्ट्रपाल वैद्य,
किशोर चौधरी, जयंत नायकुडे, नर्सिंग कौन्सिलचे अध्यक्ष डॉ. रामलिंग माळी खासदार धैर्यशील मोहिते-पाटील चंद्रकांत जाधव यांनी वेळोवेळ शासनस्तरावर लक्षवेधी पत्रव्यवहार क बैठका घेऊन पाठपुरावा केला.
अखेर य पाठपुराव्यास यश मिळाले आहे शासनाने मॅपिंग करण्यास मान्यत दिलेल्या अभ्यासक्रमांमध्ये एएनएम जीएनएम नर्सिंगचा समावेश आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज