सोलापुरात पावसाने झालेल्या नुकसानीमुळे आवक फार अशी वाढत नाही. यामुळे कांद्याच्या दरात वरचेवर वाढ होत असून सोमवारी सोलापूर बाजार समितीत क्विंटलचा भाव ९ हजारांवर पोहोचला.
सोलापूर पाठोपाठ नाशिक जिल्ह्यातील उमराणा बाजार समितीत ८ हजार ६०१ रुपये इतका दर मिळाला आहे. Great support to farmers! In Solapur, onion fetched Rs 9,000 per quintal
राज्यातील कांदा पीक अतिपावसामुळे नुकसानीत आले आहे.कांदा पिकांतील अक्षरश: पाणी हटेना झाले आहे. अगोदर लागवड झालेल्या कांद्यावर रोगाचा प्रादुर्भाव झाल्यामुळे शेतकऱ्यांना औषध फवारणीवर मोठ्या प्रमाणावर खर्च करावा लागला आहे.
मोठा खर्च करुन वाचविलेला कांदा धो-धो पावसामुळे वाहून गेला आहे. त्यामुळे नवा कांदा बाजारात फारच कमी प्रमाणात येत आहे. त्यामुळे जुन्या कांद्याचा वरचेवर भाव वाढत आहे.
सोमवारी सोलापूर बाजार समितीत क्विंटलला ९ हजार रुपये इतका दर मिळाला. नाशिक जिल्ह्यातील उमराणा बाजार समितीत सर्वाधिक ८ हजार ६०१ रुपये इतका दर मिळाल्याचे बाजार समितीकडून सांगण्यात आले.
अहमदनगर बाजार समितीत क्विंटलला ८ हजार तर चांदवड बाजार समितीत ७ हजार ५०० रुपये दराने कांदा विक्री झाला. पिंपळगाव बसवंत बाजार समितीत ८ हजार १०० रुपयाने तर लासलगाव बाजार समितीत सर्वाधिक ६ हजार ८०२ रुपयाने कांद्याची विक्री झाली.
सोलापुरात सोमवारी सोलापूर बाजार समितीत कांद्याची आवक ११ हजार ६४२ क्विंटल इतकी झाली होती. उमराणा बाजार समितीत ८ हजार ५०० क्विंटल, लासलगाव बाजार समितीत ६५० ट्रॅक्टर कांदा विक्री झाला. सर्वाधिक आवक पिंपळगाव बसवंत बाजार समितीत १३ हजार ४५५ क्विंटल झाली.
Great support to farmers In Solapur onion fetched Rs 9000 per quintal
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 9561617373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
