टीम मंगळवेढा टाईम्स।
मंगळवेढा नगरपालिका निवडणुकीत अर्ज दाखल करण्याच्या पाचव्या दिवशी नगरसेवक पदासाठी 8 अर्ज दाखल झाले आहे. नगराध्यक्ष पदासाठी एक अर्ज दाखल झाला आहे. अशी माहिती निवडणूक निर्णय अधिकाऱ्यांनी दिली.
मंगळवेढ्यात २ डिसेंबर रोजी मतदान होणार आहे. त्यासाठी १७ नोव्हेंबर अखेर उमेदवारांना अर्ज दाखल करता येणार असून, २६ नोव्हेंबर अर्ज माघारीची तारीख आहे.
मंगळवेढा नगरपालिकेच्या निवडणुकीची रणधुमाळी सुरू झाली आहे. नगराध्यक्ष पदासाठी राजश्री राजकुमार चेळेकर यांनी अपक्ष अर्ज भरला आहे. आतापर्यंत नगराध्यक्ष पदासाठी एक अर्ज आला आहे.
नगरसेवक पदासाठीही अर्ज दाखल करण्याचे काम सुरू आहे. निवडणुकीसाठीची प्रक्रिया वेगाने पुढे सरकत आहे. मतदारांमध्येही उत्सुकता वाढली आहे.
पालिका निवडणुकीसाठी सोमवारपासून (10 नोव्हेंबर) उमेदवारी अर्ज दाखल करण्यास सुरूवात झाली. मात्र, आमदार समाधान आवताडे, अनिल सावंत, राहुल शहा, समविचारी आघाडी आदी पक्षगटांमध्ये उमेदवारांबाबत अंतिम निर्णय न झाल्याने पहिल्या दोन दिवसांत (10 व 11 नोव्हेंबर) अर्ज दाखल प्रक्रियेला प्रतिसाद मिळाला नाही. तिसर्या दिवशी काही ठिकाणी उमेदवारांनी अर्ज सादर केले.
आज नगराध्यक्षपदासाठी एक अर्ज दाखल झालेले आहेत. नगरसेवक पदासाठी 8 अर्ज दाखल झालेले आहेत.
नगरसेवक पदासाठी शरद पवार गट राष्ट्रवादी वतीने प्रभाग 1 मधून संतोष रामदास नागणे , भाजप कडून प्रभाग 2 मधून समाधान दत्तात्रय हेंबाडे व प्रभाग 8 मधून शोभा शरद हजारे यांनी तर प्रभाग 5 मधून अनुपमा कपिल हजारे यांनी अर्ज दाखल केला आहे.
तर अपक्ष म्हणून निकिता प्रतीक खंदारे व रेखा प्रकाश खंदारे यांनी प्रभाग 3 मधून अर्ज दाखल केला आहे.
दुसरीकडे प्रभाग 7 मधून सोमनाथ महादेव माळी व प्रभाग 10 मधून सीमा सोमनाथ बुरजे यांनी अपक्ष अर्ज दाखल केला आहे.
अर्ज दाखल करण्याची अंतिम मुदत सोमवार 17 नोव्हेंबरपर्यंत आहे. आधी शनिवार व रविवार सुट्टी जाहीर करण्यात आली होती. मात्र, उमेदवारी दाखल करण्यास होणार उशीर लक्षात घेवून राज्य निवडणूक आयोगाने शनिवारी उमेदवारांना अर्ज दाखल करण्यास परवानगी दिलेली आहे.
यामुळे आता शनिवार (15 नाव्हेेंबर) आणि सोमवार (17 नोव्हेंबर) असे दोन दिवस शिल्लक आहेत. त्यामुळे या दोन दिवसांत उमेदवारांकडून मोठ्या प्रमाणात गर्दी होण्याची शक्यता वर्तवली जात आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
