टीम मंगळवेढा ऑनलाईन ।
सोलापूरच्या ग्रामीण भागात आज 171 जणांचे अहवाल पॉझिटिव्ह आले आहेत तर तीन जणांचा कोरोना मुळे मृत्यू झाल्याचेही या अहवालातून स्पष्ट झाले आहे. एकाच दिवशी कोरोना मुक्त झालेल्या 123 जणांना रुग्णालयातून घरी सोडण्यात आले आहे.
आज कोरोना चाचणीचे 3 हजार 181 अहवाल प्राप्त झाले आहेत. त्यापैकी 3 हजार 10 अहवाल निगेटिव्ह आले असून 171 अहवाल पॉझिटिव्ह आले आहेत.
कोरोना चाचणीचे 49 अहवाल अद्यापही प्रलंबित आहेत ग्रामीण भागातील एकूण बाधित व्यक्तींची संख्या आता 31 हजार 575 झाली. आहे. 935 जणांचा आतापर्यंत कोरोनामुळे मृत्यू झाला आहे.
रुग्णालयात सध्या 1 हजार 784 जणांवर उपचार सुरू आहेत. आतापर्यंत 28 हजार 856 जण कोरोना मुक्त झाले आहेत.
आज ‘या’ गावातील कोरोना रुग्णांचे मृत्यू
मंगळवेढा तालुक्यातील कात्राळ येथील 61 वर्षिय पुरुष,करमाळा तालुक्यातील वीट येथील 48 वर्षिय पुरुष आणि दक्षिण सोलापूर तालुक्यातील होटगी स्टेशन येथील 54 वर्षिय पुरुषाचा समावेश आहे.
सोलापूर शहरात 16 पॉझिटिव्ह तर एकाचा बळी
शहरात एक लाख 521 संशयितांची टेस्ट पूर्ण झाली आहे. त्यामध्ये 90 हजार 831 संशयितांची टेस्ट निगेटिव्ह आली असून नऊ हजार 690 जण पॉझिटिव्ह आले आहेत.
रुग्णांच्या संपर्कातील 94 संशयित होम क्वारंटाईनमध्ये असून 43 जण इन्स्टिट्यूशनल क्वारंटाईन तर 18 जण होम आयसोलेशनमध्ये आहेत.
शहरात आज आदित्य नगर (विजयपूर रोड), सहारा नगर, उमा नगरी (मुरारजी पेठ), घोणे अपार्टमेंट (अशोक चौक), युनिटी आयकॉन (जुळे सोलापूर), भवानी पेठ, साई नगर (सूत मिलजवळ), पद्मा नगर, कर्णिक नगर, बापूजी नगर आणि सिध्दगंगा हॉस्पिटलजवळ (बाळीवेस) येथे नवे रुग्ण आढळले आहेत.
विजयपूर रोडवरील अशोक नगरातील 48 वर्षीय पुरुषाचा मृत्यू झाला आहे. हा रुग्ण 31 ऑक्टोबरला उपचारासाठी श्री छत्रपती शिवाजी महाराज सर्वोपचार रुग्णालयात दाखल झाला होता. 2 नोव्हेंबरला त्याचा मृत्यू झाला आहे. दरम्यान, शहरातील एक हजार 160 संशयितांची आज कोरोना टेस्ट पार पडली. त्यात 16 जण पॉझिटिव्ह सापडले असून एकाचा मृत्यू झाला आहे. दुसरीकडे आज 24 रुग्णांनी कोरोनावर मात केल्याने त्यांना घरी सोडण्यात आले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
