टीम मंगळवेढा टाईम्स ।
पंतप्रधान नरेंद्र मोदी यांची उद्या शुक्रवार दि.१९ रोजी कुंभारी येथील रे नगर सभा होणार आहे. त्यासाठी सकाळी साडे सात वाजल्यापासून नागरिकांना सभेसाठी सोडले जाणार आहे.
नागरिकांनी सोबत बॅग, झेंडे, बॅनर, राजकीय पक्षांचे बॅनर, घोषवाक्य फलक, पाण्याच्या बॉटल, खाद्यपदार्थ, ज्वालाग्राही पदार्थ, विडी, सिगारेट, तंबाखू, गुटखा असे पदार्थ आणू नये.
सभेमध्ये सोडताना सर्व नागरिकांची तपासणी केली जाणार आहे. त्यासाठी असे कुठलेही पदार्थ आणू नये, पोलिस प्रशासनाला सहकार्य करावे, असे आवाहन पोलिस अधीक्षक शिरीष सरदेशपांडे यांनी केले आहे.
रे नगर चावी प्रदान सोहळ्यास मोठ्या संख्येने उपस्थित रहावे – कॉ.आडम
कुंभारी येथील रे नगरमधील तीस हजार घरापैकी १५ हजार घरे बांधून तयार आहेत. या १५ हजार घरांचा चावी प्रदान सोहळा पंतप्रधान नरेंद्र मोदी यांच्या हस्ते १९ जानेवारीला संपन्न होणार आहे. या सोहळ्यास सोलापूर शहरासह जिल्ह्यातील हजारो नागरिकांनी उपस्थित रहावे, असे आवाहन माजी आमदार नरसय्या आडम यांनी केले आहे.
सोलापूर नगरी ही स्वातंत्र्यसंग्राम आणि क्रांतिकारी चळवळीची भूमी आहे. या मातीतल्या माणसांनी बहुआयामी कार्य करून सोलापूरच्या वैभवात भर टाकली आहे. सोलापूरच्या मार्शल लॉ मुळे शहराचा नावलौकिक मोठा प्रमाणात झाला आहे.
वैशिष्टयपूर्ण चादरींचे उत्पादना बरोबरच आता ‘घरकुलांची नगरी’ ही नवी ओळख निर्माण झाली. सोलापुरातील ३० हजार असंघटीत कामगारांच्या पंतप्रधान आवास योजना अंतर्गत शहरी भागातील नागरीकांसाठी परवडणाऱ्या दरात, सहकार तत्वावर एकाच छताखाली पथदर्शी, महत्त्वाकांक्षी गृहनिर्माण प्रकल्प म्हणून रे नगरची ओळख आहे.
पंतप्रधान नरेंद्र मोदी यांच्या हस्ते संपन्न होणारा हा चावी प्रदान सोहळा सोलापूरच्या इतिहासात सुवर्णाक्षरांनी लिहिले जाईल. या सोहळयाचे साक्षीदार होण्यासाठी मोठ्या संख्येने हजर रहावे, असे आवाहन रे नगरचे मुख्य प्रवर्तक कॉ.नरसय्या आडम यांनी केले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
![ताज्या बातम्या थेट मोबाईलवर मिळवण्यासाठी आजच जॉईन व्हा ताज्या बातम्या थेट मोबाईलवर मिळवण्यासाठी आजच जॉईन व्हा](https://mangalwedhatimes.in/wp-content/uploads/2021/12/WhatsApp-Add.gif)
बातम्या सर्वप्रथम जाणून घेण्याकरिता लाईक करा आमचे फेसबुक पेज