टीम मंगळवेढा टाईम्स (प्रतिनिधी):
मंगळवेढा तालुक्यात पर्जन्यमानाचे अत्यंत कमी प्रमाण आणि पाण्याचा तीव्र तुटवडा निर्माण झाल्याने दुष्काळसदृश परिस्थिती अधिक गंभीर बनली आहे. या पार्श्वभूमीवर तालुक्यात दुष्काळ जाहीर झाला असून, बाधित शेतकऱ्यांना सरसकट व क्षेत्रनिहाय आर्थिक मदत तातडीने देण्यात यावी, अशी जोरदार मागणी घरनिकी ग्रामपंचायतीचे उपसरपंच बालाजी गरड यांनी केली आहे. याबाबत त्यांनी मंगळवेढा तहसीलदारांना अधिकृत निवेदन देऊन प्रशासनाचे लक्ष वेधले आहे.
सर्व पीक पिके, ऊस व फळ बागायतदारांवर मोठे संकट
तालुक्यात मोठ्या क्षेत्रावर फळबागा आहेत. पावसाअभावी पाण्याची भीषण टंचाई निर्माण झाल्याने अनेक वर्षांच्या कष्टाने उभारलेल्या या फळबागा वाळून जाण्याचा थेट धोका निर्माण झाला आहे.
शेतकऱ्यांनी लाखो रुपयांचे कर्ज काढून, मोठा खर्च करून या बागा जगवल्या आहेत. जर वेळेत मदत मिळाली नाही, तर शेतकरी पूर्णपणे उद्ध्वस्त होण्याची शक्यता आहे. त्यामुळे या बागायतदारांसाठी तातडीने विशेष उपाययोजना राबवून सरसकट नुकसान भरपाई मंजूर करावी, असे निवेदनात स्पष्ट करण्यात आले आहे.
थेट खात्यात मदत जमा करा!
दुष्काळामुळे जनावरांच्या चारा-पाण्याचा प्रश्न बिकट झाला असून सर्वसामान्य शेतकऱ्यांचे जगणे कठीण झाले आहे. शासकीय मदतीपासून केवळ कागदोपत्री प्रक्रिया किंवा विलंबाने कोणताही शेतकरी वंचित राहता कामा नये. महसूल प्रशासनाने तातडीने सर्व भागाचा वस्तुनिष्ठ आढावा घेऊन वरिष्ठ पातळीवर प्रस्ताव सादर करावा आणि शेतकऱ्यांच्या खात्यावर सरसकट भरपाईची रक्कम वर्ग करावी, असा इशारा उपसरपंच बालाजी गरड यांनी दिला आहे.
शासनाने तात्काळ निधी मंजूर करावा
”दुष्काळ जाहीर झाला असला तरी जोपर्यंत प्रत्येक शेतकऱ्याला सरसकट नुकसान भरपाई मिळत नाही, तोपर्यंत हा प्रश्न सुटणार नाही. ही केवळ मागणी नसून शेतकऱ्यांच्या जगण्याचा हक्क आहे. प्रशासनाने तात्काळ निधी मंजूर करावा.”— बालाजी गरड (उपसरपंच, ग्रा. पं. घरनिकी)
या निवेदनावर सरपंच सौ. सुनिता प्रकाश रणदिवे आणि उपसरपंच बालाजी गरड यांच्या स्वाक्षऱ्या असून, संपूर्ण तालुक्यातून सरसकट मदतीसाठी शेतकरी वर्ग एकवटत आहे.
यावेळी बापू भुसे, दादासो मोरे, शुभम चव्हाण, वैभव मोरे, सागर मोरे, लखन मोरे, सत्यवान मोरे, यांच्यासह अनेक शेतकरी मोठ्या प्रमाणावर उपस्थित होते.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
