मंगळवेढा टाईम्स न्युज नेटवर्क।
शिवसेना ठाकरे गटाचे उपनेते शरद कोळी यांच्यावर सोलापूर ग्रामीण पोलिसांनी मोठी कारवाई केली आहे. MPDA कायद्यानुसार शरद कोळी यांच्यावर सोलापूर ग्रामीण पोलिसांनी स्थानबद्धतेची कारवाई केली आहे. शरद कोळी याला एक वर्षासाठी येरवडा कारागृहात स्थानबद्ध करण्यात आले आहे.
शरद कोळीला अटक, एक वर्षासाठी येरवडा कारागृहात स्थानबद्ध, नेमकं कारण काय?
आठवडाभरापूर्वीच शरद कोळी यांच्यावर MPDA कायद्यानुसार कारवाईचे आदेश जाहीर करण्यात आले होते. कारवाईचे आदेश जाहीर झाल्यापासून शरद कोळी फरार होते
मात्र काल सोलापूर ग्रामीण पोलिसांच्या स्थानिक गुन्हे शाखेने कोळी यांना सांगलीतून ताब्यात घेतलं. शरद कोळीवर खंडणी मागणे, धमकी देणे सारखे जवळपास 9 गुन्हे दाखल असल्याने MPDA नुसार कारवाई करण्यात आल्याची माहिती समोर आली आहे. त्यामुळे शरद कोळी याला एका वर्षासाठी येरवडा कारागृहात स्थानबद्ध करण्यात आले आहे.
MPDA अन्वये कारवाई म्हणजे काय?
MPDA (Maharashtra Prevention of Dangerous Activities Act) अन्वये कारवाई म्हणजे एखाद्या सराईत गुन्हेगाराला किंवा समाजासाठी घातक ठरणाऱ्या व्यक्तीला विना-जमीन थेट तुरुंगात स्थानबद्ध (Detain) करणे होय. हा महाराष्ट्र शासनाचा एक अत्यंत कडक कायदा आहे,
ज्याचा मुख्य उद्देश समाजात शांतता आणि कायदा-सुव्यवस्था राखणे हा असतो. हा आदेश देण्याचे अधिकार पोलीस आयुक्त किंवा जिल्हाधिकारी यांना असतात.
जो व्यक्ती वारंवार शरीराविरुद्धचे गुन्हे (उदा. मारामारी, खंडणी, खून), अवैध दारू विक्री, वाळू तस्करी, अमली पदार्थांची तस्करी किंवा महिलांची छेडछाड यांसारख्या कृत्यांमध्ये सामील असतो आणि ज्यामुळे सार्वजनिक सुव्यवस्थेला धोका निर्माण होतो. या कारवाई अंतर्गत आरोपीला थेट 1 वर्षासाठी मध्यवर्ती कारागृहात स्थानबद्ध केले जाऊ शकते.
कोण आहेत शरद कोळी?
शरद विठ्ठल कोळी हे सोलापूर जिल्ह्यातील शिवसेना (उद्धव बाळासाहेब ठाकरे) गटाचे उपनेते आहेत. ते मूळचे सोलापूर जिल्ह्यातील मोहोळ तालुक्यातील अर्धनगरी येथील आहे. 2012 मध्ये ते शिवसेनेत कार्यरत होते. त्यानंतर त्यांनी ‘धाडस’ या सामाजिक संघटनेची स्थापना केली आणि या संघटनेच्या माध्यमातून सोलापूरसह विविध भागांत संघटनात्मक काम केल्याचा दावा त्यांनी केला होता.
शिवसेनेत फूट पडल्यानंतर 2022 मध्ये शरद कोळी यांनी उद्धव ठाकरे यांच्या नेतृत्वाखालील शिवसेनेत प्रवेश केला. त्यानंतर त्यांच्यावर युवासेनेच्या विस्ताराची जबाबदारीही देण्यात आली होती. लातूर, उस्मानाबाद आणि सोलापूर या भागांत त्यांनी युवासेनेचे कार्यक्रम घेतले. ऑक्टोबर 2023 मध्ये शरद कोळी यांची शिवसेना ठाकरे गटाच्या उपनेतेपदी नियुक्ती करण्यात आली.
पक्षाच्या कार्यकारिणीच्या विस्तारावेळी सोलापूरमधून त्यांचा उपनेते म्हणून समावेश करण्यात आला. सोलापूरच्या राजकारणात ते आक्रमक वक्तव्यांसाठी चर्चेत राहिले आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
