टीम मंगळवेढा टाईम्स।
मंगळवेढा तालुक्यातील शरदनगर गावातील सुरज सिद्धेश्वर सलगर याने चार्टर्ड अकाऊंटंटच्या फाऊन्डेशन परीक्षेत उत्तीर्ण होऊन आपल्या माता पित्याचे तसेच सलगर कुटुंबाचे नाव उंचावले आहे.
इन्स्टिट्युट ऑफ चार्टर्ड अकाउन्टस ऑफ इंडिया यानी डिसेंबर २०२१ मध्ये घेतलेल्या फाऊन्डेशन परिक्षेत सुरज सिध्देश्वर सलगर २१२ गुण मिळवुन उत्तिर्ण झाला आहे.
सी.ए. फाऊन्डेशन ही राष्ट्रीय स्तरावरील परिक्षा असून तीची पहिल्या तीन कठिण पातळीच्या परीक्षेत गणना होते.
सर्वसामान्य कुटुंबातील सुरज सलगर याने प्रतिकुल परिस्थितीत आपल्या इच्छा शक्तीच्या जोरावर सातत्यपूर्ण अभ्यास करून यंदाच्या चार्टर्ड अकाउंटटची फाउंडेशन परीक्षा दिली होती.
त्या परीक्षेचा निकाल नुकताच जाहीर झाला असून त्या परीक्षेत सुरजला चांगल्या गुणांनी उत्तीर्ण होऊन उज्वल यश संपादन केले आहे.
सुरजचे व सलगर कुटुंबांचे सर्व स्तरातून कौतुक होत आहे. सुरजला पुण्याच्या एस.पी. क्लासेसचे व सी.ए.सुमित पागे यांचे मार्गदर्शन लाभले.
सुरज सलगरच्या या यशाबद्दल ज्ञानदीप परिवाराचेवतीने संभाजी सलगर, पत्रकार दिगंबर भगरे, समाधान फुगारे, मसाप दामाजीनगर शाखेच्यावतीने प्रकाश जडे, प्रा.विश्वनाथ ढेपे यांनी अभिनंदन करुन शुभेच्छा दिल्या आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज