टीम मंगळवेढा टाईम्स ।
मंगळवेढा तालुक्यात यंदा पर्जन्यमानाने ओढ दिल्याने सर्वच महसूल मंडळांत सरासरीपेक्षा अत्यंत कमी पाऊस झाला असून तालुका दुष्काळाच्या ‘ट्रिगर एक’ निकषात आला आहे. सध्याची भीषण परिस्थिती, तीव्र पाणीटंचाई आणि चारा संकट लक्षात घेता शासन दुष्काळ निवारणासाठी कटिबद्ध आहे. तालुक्यातील एकाही शेतकऱ्याला शासकीय मदतीपासून वंचित ठेवले जाणार नाही, अशी ठाम ग्वाही पंढरपूर-मंगळवेढा मतदारसंघाचे आमदार समाधान आवताडे यांनी दिली.
सध्या महसूल आणि कृषी विभागामार्फत खरीप पिकांच्या नुकसानीचे पंचनामे युद्धपातळीवर सुरू आहेत. सर्व कर्मचारी याच कामात आहेत दुष्काळाची सर्वाधिक झळ बसलेल्या दक्षिण भागातील शेतकऱ्यांनी पुढे येऊन आपल्या पिकांचे पंचनामे वेळेत पूर्ण करून घ्यावेत, असे आवाहन आ. आवताडे यांनी केले आहे.
शासन स्तरावर ज्या प्रक्रिया सुरू आहेत, त्या शासकीय कार्यपद्धतीचा (SOP) भाग असून त्या पूर्ण झाल्यानंतर नियमानुसार योग्य ती मदत थेट शेतकऱ्यांपर्यंत पोहोचवली जाईल, असेही त्यांनी स्पष्ट केले.तालुक्यात दुष्काळाची दाहकता वाढल्याने अनेक गावांमध्ये पिण्याच्या पाण्याची तीव्र टंचाई जाणवत आहे.
या पार्श्वभूमीवर मागणीनुसार टंचाईग्रस्त गावांमध्ये आणि वाड्या-वस्त्यांवर टँकर सुरू करण्यात आले आहेत. जनावरांच्या चाऱ्याचा प्रश्न बिकट होऊ नये यासाठी प्रशासन आवश्यक त्या उपाययोजना आखत असून, चारा टंचाईची शासनाला पूर्ण जाणीव आहे.नैसर्गिक संकटाच्या काळात शेतकरी बांधवांनी खचून न जाता प्रशासनाला सहकार्य करावे शासन दरबारी सातत्याने पाठपुरावा करून तालुक्यातील प्रत्येक बाधिताला न्याय मिळवून दिला जाईल असा विश्वास आमदार समाधान आवताडे यांनी शेवटी व्यक्त केला.
निकषा प्रमाणे होणाऱ्या नुकसानीची भरपाई मिळणार
मंगळवेढा तालुक्यातील आठ ही मंडल समाविष्ट
माध्यमात पाच मंडल मध्ये कमी पर्जन्यमान आहे इतर मंडल सरासरी पेक्षा जास्त पाऊस असल्याचे सांगितले गेले असले तरी तशी स्थिती नसून सगळेच मंडल नुकसानग्रस्त आहेत व त्यापेक्षा ट्रिगर वन हा तालुका असल्याने यात सर्वाना निकषा प्रमाणे होणाऱ्या नुकसानीची भरपाई मिळणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
