टीम मंगळवेढा टाईम्स ।
मंगळवेढा शहर संत दामाजी नगर ग्रामपंचायत तसेच संत चोखामेळा नगर ग्रामपंचायत मधील सर्व व्यापारी व नागरिकांना जिल्हाधिकारी मिलिंद शंभरकर यांच्या दि.२६ जून २०२१ रोजीच्या आदेशानुसार स्टेज ३ प्रमाणेच पुढील आदेश होईपर्यंत सध्या चालू असलेल्या आदेशाच्या मुदतीत वाढ करण्यात आली आहे.
परिणामी सर्व दुकाने पूर्वीप्रमाणेच यापुढेही चालू राहतील. अत्यावश्यक सेवा दर दिवशी सायंकाळी चार वाजेपर्यंत चालू राहतील.
इतर सेवा सोमवार ते शुक्रवार चार वाजेपर्यंत चालू राहतील आणि शनिवार व रविवार पूर्णपणे बंद राहतील. असे मुख्याधिकारी निशिकांत प्रचंडराव यांनी कळविले आहे.
दारू पिण्यास पैसे नाहीत म्हणाल्याच्या कारणावरून एकावर कोयत्याने केला हल्ला
दारू प्यायला पैसे दे अशी मागणी करून एकास कोयत्याने कानावर व डोकीवर मारून गंभीर जखमी केल्याप्रकरणी भुजंग तानाजी जाधव (रा.मरवडे) याच्याविरुध्द गुन्हा दाखल झाला आहे.
पोलिस सुत्रांनी दिलेली माहिती अशी , यातील जखमी फिर्यादी बाळासाहेब पवार (रा.मरवडे) हा दि .२७ रोजी सकाळी ११.०० वा.मरवडे येथील शंभूराज चौकात जगदंबा चायनीज हॉटेलसमोर बाकडयावर बसला असता आरोपी भुजंग जाधव याने फिर्यादीला चायनीय खायचे आहे.
चायनीय दे असे म्हणाला, रविवार लॉकडाऊन असल्याने दुकाने बंद आहेत. चायनीज देता येणार नाही असे फिर्यादी म्हणताच मला दारू प्यायला पैसे दे,पैसेही नाही म्हणताच फिर्यादीवर चिडून तुला लई मस्ती आली आहे.
असे म्हणत शिवीगाळ करून हातातील कोयत्याने फिर्यादीच्या डाव्या कानाच्यावर डोकीत मारून गंभीर जखमी केले असल्याचे दिलेल्या फिर्यादीत म्हटले आहे. याचा अधिक तपास पोलिस नाईक किरण निंबाळकर करीत आहेत.
म्युकरमायकोसिसमुळे सोलापूर जिल्ह्यात ७ मृत्यू तर ५ नवे बाधित
सोलापूर जिल्ह्यात म्यूकरमायकोसिसचा कहर सुरूच असल्याचे पाहायला मिळत आहे.सोलापूर शहर आणि जिल्ह्यात काळ्या बुरशीचा संसर्ग झालेल्या रुग्णांमध्ये (म्युकरमायकोसिस) ५२९ रुग्णांची वाढ झाली आहे. तसेच एकूण ११६ रुग्णांवर सध्या उपचार सुरू असून , आतापर्यंत ६९ जणांचा मृत्यू झाला आहे.
दरम्यान दिवसभरात म्यूकरमायकोसिसमुळे ७ रुग्णांचा मृत्यू झाला आहे. तसेच ५ नव्या म्यूकरमायकोसिस बाधितांची नोंद झाली आहे जिल्हा शल्यचिकीत्सक, सोलापूर यांचे कडून प्राप्त माहितीनुसार समोर आले आहे.
वारंवार रुग्ण आढळून येत असल्याने नागरिकांसह प्रशासनाच्याही चिंतेत आणखी वाढ झाली आहे. तसेच कोरोनानंतर आता या नव्या रोगाने डोकं वर काढल्याने नागरिकांमध्ये भीतीचं वातावरण पसरलं आहे.
ज्या रुग्णांची प्रतिकारशक्ती कमी आहे , अशा रुग्णांत काळ्या बुरशीचे प्रमाण अधिक असल्याचे आरोग्य विभागाकडून सांगण्यात येत आहे. कोरोनामुळे कमी झालेली रोगप्रतिकारक शक्ती, कोविडच्या रुग्णांना दिले जाणारे स्टेरॉईड्स आणि इतर औषधे यामुळेच काळ्या बुरशीचा आजार वाढत असल्याचे वैद्यकीय तज्ज्ञांचे मत आहे.
सोलापूर जिल्ह्यातील म्यूकरमायकोसिसची माहिती : म्यूकरमायकोसिस रुग्णांवर उपचार करत असणारी एकुण रुग्णालये ३५ , आज आढळलेले नवीन रुग्णसंख्या : ५ , आज पर्यंतची एकूण रुग्ण संख्या : ५२ ९ , सध्या रुग्णालयात उपचार घेत असलेले एकूण रुग्ण ११६ , आज रुग्णालयातून बरे होऊन गेलेली रुग्णसंख्या : १२ , आजपर्यंत बरे झालेले एकूण रुग्ण संख्या : ३४४, मयत : ७ , आजपर्यंत एकूण मृतांची संख्या ६९
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज