टीम मंगळवेढा टाईम्स।
श्री.संत दामाजी सहकारी साखर कारखान्याची पंचवार्षिक निवडणुकीच्या अनुषंगाने कारखाना प्रशासन विभागाने प्रादेशिक सहसंचालक, सोलापूर यांचेकडे प्रारुप मतदारांची यादी दाखल केली होती.
त्यानुसार प्रादेशिक सहसंचालक , सोलापूर यांनी दि.२० एप्रिल २०२२ रोजी सदर यादी प्रसिध्द केली आहे.
सदर यादीमध्ये काही सभासदांची नावे नसल्याने बुजून आमची नावे कारखाना प्रशासनाने वगळली असल्याचे आरोप काहीजण करीत आहेत.
मात्र, त्या आरोपामध्ये काही तथ्य नसून , ज्या सभासदांकडे येणेबाकी आहे त्यांची नावे प्रारूप यादीत नसल्याची माहिती कार्यकारी संचालक रमेश गणेशकर यांनी दिली.
गणेशकर म्हणाले, जे सभासद दि.२८ एप्रिल २०२२ अखेर येणेबाकीचा थकीत भरणा करतील त्या सभासदांची नावे कारखाना प्रशासन प्रादेशिक सहसंचालक
तथा निवडणूक निर्णय अधिकारी यांचेकडे सादर केली जातील व त्यानंतर संबंधीत प्रादेशिक सहसंचालक यांचे आदेशाने सदर सभासद मतदारांची नांवे समाविष्ठ होणेबाबत निर्णय होईल.
सदर नावे महाराष्ट्र सह. संस्था २७ (१०) व कलम ७३ (क) नियमांच्या अधिन राहून कारखाना येणेबाकी असलेले सभासदांचे नांवे प्रारुप मतदार यादीमध्ये थकबाकी / येणेबाकी असलेने प्रसिध्द करण्यात आलेली नाहीत.
ज्या सभासदांना आपले सभासदत्व मतदार यादीमध्ये समाविष्ठ करुन घ्यावयाचे आहे त्यांनी प्रथमतः आपल्याकडील येणेबाकी विषयी कारखाना कार्यालयाशी संपर्क साधून आवश्यक माहिती प्राप्त करुन येणेबाकी भरणा करुन घ्यावी असेही गणेशकर यांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज