टीम मंगळवेढा टाईम्स (प्रतिनिधी) :
प्लॉटचा वाद मिटविण्यासाठी नगरपरिषदेत एका ४० वर्षीय आशा सुपरवायझरला बोलावून तिच्या अंगात मस्ती आली असून तिची साडी काढा, तिला नागवे करा असे मनाला लज्जा वाटेल शब्द वापरुन चप्पल, लाथाबुक्क्या, खुर्ची व काठीने मारहाण केल्याप्रकरणी
नगरसेवक प्रविण खवतोडे, अंबू तांबे, जयश्री भंडारेची आई, जयश्री अवघडे, मैना मस्के, चित्रा खरबडे, सिध्दू शिकतोडे, दिपक अवघडे, सागर खरबडे, इंद्रजीत तोंडसे, विशाल लोकरे (सर्व रा. मंगळवेढा) या १२ जणाविरुध्द मंगळवेढा पोलीसात गुन्हा दाखल झाला आहे. पोलीस सुत्रांनी दिलेली माहिती
अशी, यातील फिर्यादी अनिता राजू काळुंगे (वय ४० वर्षे, रा. कचरेवाडी) या आशा सुपरवायझर असून चोखामेळानगर ग्रामपंचायत हद्दीत रजपूत कॉलनी येथे फिर्यादीचा दोन गुंठ्याचा प्लॉट आहे. या प्लॉटमध्ये जयश्री भंडारे व निलेश जगधने यांनी अतिक्रमण करुन जागेवर पत्राशेड मारले आहे.
याबाबत धारासिंग रजपूत व जयश्री भंडारे यांना फिर्यादीने पत्राशेड काढणेबाबत सुचना दिली असता जयश्री भंडारे हिने मला पत्राशेड मारण्यासाठी ३ लाख रुपये खर्च झालेला आहे. तू मला ३ लाख रुपये दे त्यावेळी मी पत्राशेड काढून घेईन असे फिर्यादीस म्हटले होते.
दि. २७ रोजी सकाळी ११ वाजता फिर्यादी कचरेवाडी येथे घरी असताना आरोपी नगरसेवक प्रविण खवतोडे याने फिर्यादीस तुम्ही नगरपरिषदेस या रजपूत कॉलनी येथील प्लॉटचा वाद मिटवायचा आहे असे सांगीतल्यावर फिर्यादी ही दुपारी १ वाजता एकटीच नगरपरिषदेमध्ये आली.
त्यावेळी आरोपीने फिर्यादीस शिवीगाळ करत तेथे सोबत असलेल्या बायकांना फिर्यादी हिला ठोका, तिच्या अंगात मस्ती आहे, तिची साडी काढा, तिला नागवे करा असे मनाला लज्जा वाटेल असे बोलल्याने उपस्थित सर्व महिलांनी फिर्यादीस चप्पल, काठीने, खुर्चीने, हाताने मारहाण केली.
तसेच सोबतच्या बायकांनी फिर्यादीच्या गळ्यातील एक तोळ्याचे मिनी गंठण तोडून घेतले असल्याचे दिलेल्या फिर्यादीत म्हटले आहे.
फिर्यादी ही जखमी झाल्याने उपचाराकरिता मंगळवेढा ग्रामीण रुग्णालयात जावून प्राथमिक उपचार करुन सोलापूर येथील शासकीय रुग्णालयात वर्ग करण्यात आले होते. तद्नंतर मंगळवेढा पोलीस ठाण्यात येवून वरील आरोपी विरुध्द बीएनएस ७९,११८ (१), ११९(१),११५ (२), ३५२,३५१(२), (३), १८९(२),१९१ (२), (३), १९० कलमा प्रमाणे गुन्हा दाखल झाला असून याचा अधिक तपास पोलीस हवालदार कांबळे हे करीत आहेत.
जातीवाचक शिवीगाळ करून मारहाण केल्याप्रकरणी दोघांविरूद्ध गुन्हा दाखल
मंगळवेढा येथील एका ४० वर्षीय दलित महिलेस चप्पलने मारहाण करून, केस पकडून, खाली पाडून पोटात लाथा घातल्या तसेच गळ्यातील ०१ ग्रॅम सोन्याचे मंगळसूत्र हे तोडून जातीवाचक शिवीगाळ करत जिवे मारण्याची धमकी दिल्याप्रकरणी अनिता राजू काळुगे (रा. कचरेवाडी, ता. मंगळवेढा) व धारासिंह मोहनसिंह रजपूत (रा. मंगळवेढा) या दोघांविरूद्ध मंगळवेढा पोलिसात गुन्हा दाखल करण्यात आला आहे.
मागील ०३ महिन्यापुर्वी पासून ते दिनांक २७/०९/२०२६ रोजी दुपारी ०१/०० वा. चे दरम्यान फिर्यादी महार जातीची आहे हे माहीत असताना आणि याची पुरेपुर जाणीव असताना धारासिंह मोहनसिंह रजपूत याने रजपूत कॉलनी मंगळवेढा येथे येऊन फिर्यादीस मी तुला कमी किमतीत प्लॉट विकलेला आहे.
मला अजून पैसे द्यावे लागतील, तुझ्याकडे पैसे नसतील तर तुला माझ्यासोबत झोपावे लागेल असे म्हणून स्त्री मनास लज्जा उत्पन्न होईल असे कृत्य केले तसेच फिर्यादीच्या प्लॉट शेजारील महीला अनिता राजु काळुंगे (रा. कचरेवाडी ता. मंगळवेढा हिने घरासमोर येऊन मला, तुम्ही तुमचे घरात जायचे नाही, तुमचे घर माझे जागेत आहे, असे म्हणून फिर्यादीच्या घराचे कुलूप तोडून
घरातील संसारपयोगी साहित्य बाहेर काढून घरास दुसरे कुलूप लावून तुम्ही मी जाळी मारलेल्या जागेत यायचे नाही, तुम्ही येथे कशाला हात लावायचा नाही. तुम्ही माझे जागेत रहायचे नाही, तुम्हा लोकांचा मला लय तिटकारा आहे, तुमचे मला तोंड बघायचे नाही असे म्हणून जातीवाचक शिवीगाळी केली तसेच नगरपरिषद मंगळवेढा येथे येऊन कोण चंक्या आहे, तो काय करतोय ते बघायचं आहे. तुमचा चंक्या काय करतोय ते मी बघते, असे म्हणून शिवीगाळी केली आणि चप्पलने मारहाण करून केस पकडून खाली पाडून पोटात लाथा घातल्या. तसेच
फिर्यादीच्या गळ्यातील ०१ ग्रॅम सोन्याचे मंगळसूत्र तोडून घेतले व जिवे मारण्याची धमकी दिली अशी फिर्याद दिल्याने पोलिसांनी अनिता राजू काळुंगे व धारासिंह मोहनसिंह रजपूत यांच्याविरूध्द बीएनएस कलम-७४,७५ (२), ११९ (१), ११८(१),३३२ (क), ११५ (२), ३५२,३५१ (२) (३), ३(५ सह अ.जा.अ.ज.अ.प्र.का. कलम ३(१) (r), ३(१) (s), ३(१) (w) (i), ३(१) (w) (ii), ३(२) (va), ३(२) (पाच) प्रमाणे गुन्हा दाखल करण्यात आला असून अधिक तपास उपविभागीय पोलीस अधिकारी डॉ. बसवराज शिवपुजे हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
