टीम मंगळवेढा टाईम्स ।
शेतकरी कामगार पक्षाचे ज्येष्ठ नेते सांगोला विधानसभा मतदारसंघाचे तब्बल 50 वर्षांहून अधिक नेतृत्व केलेले राज्याच्या राजकारणातील एक आदर्श व्यक्तिमत्व मानले गेलेले माजी आमदार गणपतराव देशमुख यांची प्रकृती चिंताजनक असल्याचे समजते.
त्यांच्यावर सोलापूर येथील रुग्णालयात उपचार सुरू आहेत आणि व्हेंटिलेटरवर ठेवण्यात आल्याचे सांगितले जाते.
सांगोला या दुष्काळी तालुक्याचे 50 हुन अधिक वर्षे नेतृत्व करून आ.देशमुख यांनी विक्रम केला आहे.त्यांच्या तब्येतीमध्ये सुधारणा व्हावी म्हणून समर्थक प्रार्थना करीत आहेत.
शेतकरी कामगार पक्षाचे ज्येष्ठ नेते सांगोला तालुक्याचे माजी आमदार गणपतरावजी देशमुख यांच्या निधना संदर्भात सांगोला तालुक्यात सोशल मीडिया वरून प्रसारित होणाऱ्या अफवांवर विश्वास ठेवू नये.
सध्या आबासाहेबांची परिस्थिती चिंताजनक आहे. असे डॉ. अनिकेत देशमुख यांनी पत्रकार सचिन भुसे यांना फोनवरून माहिती दिली आहे.
गणपतराव देशमुख यांची कारकीर्द एक दृष्टिक्षेप :
शेतकरी कामगार पक्षाकडून सोलापूर जिल्ह्यातील सांगोला विधानसभा मतदारसंघाचे 11 वेळा प्रतिनिधित्व
महाराष्ट्राचे पहिले मुख्यमंत्री यशवंतराव चव्हाणांपासून ते देवेंद्र फडणवीसांबरोबर केले काम
गणपतराव देशमुख राजकारणात येण्यापूर्वी नामवंत वकील म्हणून सांगोला परिसरात सुपरिचित होते.
1962 साली देशमुखांनी शेतकरी कामगार पक्षाच्या तिकिटावर निवडणूक लढवली आणि जिंकली
आणीबाणीच्या काळात गणपतराव देशमुखांना तुरुंगवास भोगावा लागला
1972 च्या निवडणुकीमध्ये गणपतरावांना सांगोल्याचे सध्याचे आमदार शहाजी बापू पाटील यांच्याकडून पराभव पत्करावा लागला होता. मात्र, दोनच वर्षात झालेल्या पोटनिवडणुकीमध्ये पुन्हा निवडून आले.
1977 साली गणपतरावांनी महाराष्ट्र विधानसभेच ‘विरोधीपक्ष नेते’ पद सांभाळले
1978 च्या शरद पवारांच्या पुलोद सरकारमध्ये मंत्री झाले आणि 1999 ला गणपतरावांची काँग्रेसच्या मंत्रिमंडळात वर्णी लागली
2019 च्या निवडणुकीतून त्यांनी माघार घेतली आणि नातू डॉ.अनिकेत देशमुख यांनी निवडणूक लढवली
तामिळनाडूचे माजी मुख्यमंत्री एम.करुणानिधी यांनी 12 वेळा निवडणूक लढली आणि जिंकली गणपतरावांनी 12 वेळा निवडणूक लढवली आणि 11 वेळा जिंकली.
एसटी बस ने प्रवास आणि साधी राहणी यामुळे गणपतराव आजही लोकप्रिय आहेत.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज