खळबळबळ! दारूच्या नशेत भीमा नदी पुलावरून उडी मारून तरुणाची आत्महत्या;​ मंगळवेढा तालुक्यातील धक्कादायक घटना

मंगळवेढा टाईम्स न्युज नेटवर्किंग ।

मंगळवेढा तालुक्यातील माचणूर येथील भीमा नदीच्या पुलावरून एका ३२ वर्षीय तरुणाने दारूच्या नशेत नदीच्या पात्रात उडी मारून आत्महत्या केल्याची धक्कादायक घटना घडली आहे.

या दुर्दैवी घटनेमुळे संपूर्ण परिसरात प्रचंड खळबळ उडाली असून मंगळवेढा पोलीस ठाण्यात याची नोंद करण्यात आली आहे.

​नेमकी घटना काय?

पोलीस सूत्रांकडून मिळालेल्या अधिकृत माहितीनुसार, खबर देणारे दत्ता तुळशीराम माने (रा. घोडेश्वर) यांचा भाचा कुमार नेताजी साळुंखे (वय ३२ वर्षे) याने काल १८ मे रोजी दुपारी ३ वाजण्याच्या सुमारास दारूच्या नशेत माचणूर येथील भीमा नदीच्या पुलावरून थेट नदीच्या पात्रात उडी घेतली.

​उपचारापूर्वीच मृत्यू:

पुलावरून खाली उडी मारल्यामुळे कुमार साळुंखे हा गंभीर रित्या जखमी झाला होता.

घटनेची माहिती मिळताच नातेवाईकांनी त्याला तातडीने उपचारासाठी मंगळवेढा ग्रामीण रुग्णालयात दाखल केले.

मात्र, तेथील डॉक्टरांनी तपासणी करून तो उपचारापूर्वीच मयत झाल्याचे घोषित केले. या घटनेचा पुढील अधिक तपास मंगळवेढा पोलीस करत आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज