टीम मंगळवेढा टाईम्स। समाधान फुगारे
सोलापूर जिल्ह्याच्या राजकारणातून या क्षणाची सर्वात मोठी आणि खळबळजनक बातमी समोर येत आहे. आगामी विधानपरिषद निवडणुकीसाठी शिवसेनेचे नेते अनिल सावंत हे निवडणुकीच्या रिंगणात उतरण्याच्या तयारीत असल्याची माहिती सूत्रांकडून मिळाली आहे.
सोलापूर जिल्ह्यात सध्या महायुतीचे मोठे प्राबल्य असून, या बळावर शिवसेना हा मतदारसंघ आपल्याकडे खेचण्यासाठी पूर्णपणे सज्ज झाली आहे.
अनिल सावंत यांच्या या संभाव्य एन्ट्रीमुळे सोलापूरच्या राजकीय समीकरणांमध्ये मोठी उलथापालथ होण्याची शक्यता वर्तवली जात आहे.
अनिल सावंतांची जोरदार तयारी; परिचारकांना थेट आव्हान?
या मतदारसंघाचे यापूर्वी भाजपचे माजी आमदार प्रशांत परिचारक यांनी नेतृत्व केले आहे.
आगामी निवडणुकीत भाजप पुन्हा एकदा प्रशांत परिचारक यांनाच मैदानात उतरवणार असल्याचे बोलले जात आहे.
मात्र, आता शिवसेनेकडून अनिल सावंत यांनी निवडणुकीची तयारी सुरू केल्यामुळे, सोलापूर स्थानिक स्वराज्य संस्था मतदारसंघात ‘शिवसेना विरुद्ध भाजप’ असा थेट सामना रंगणार का? अशी चर्चा रंगू लागली आहे.
दोन्ही नेत्यांचे पारडे जड, पण संख्याबळ ठरणार कळीचा मुद्दा
राजकीय विश्लेषकांच्या मते, अनिल सावंत आणि प्रशांत परिचारक या दोन्ही नेत्यांचा सोलापूर जिल्ह्यात मोठा जनाधार असून दोघांचेही पारडे कमालीचे जड मानले जात आहे.
मात्र, स्थानिक स्वराज्य संस्थांच्या मतदारांचा विचार केला, तर जिल्ह्यात भाजपच्या सदस्यांची संख्या अधिक आहे. या जास्त संख्याबळाच्या जोरावर भाजप या जागेवर आपला दावा मजबूत करत असताना, शिवसेना नेते अनिल सावंत नेमकी काय भूमिका घेतात आणि पक्षाकडून त्यांना कशी रसद मिळते, हे पाहणे अत्यंत महत्त्वाचे ठरणार आहे.
अनिल सावंत यांनी निवडणुकीची तयारी सुरू केल्यामुळे महायुतीमधील जागावाटपाचा सस्पेन्स आता आणखी वाढला आहे.
शिवसेना भाजपच्या संख्याबळाचा आदर करत शेवटच्या क्षणी माघार घेणार, की अनिल सावंत यांच्या रूपाने थेट मैत्रीपूर्ण लढत लढवणार? याकडे आता संपूर्ण जिल्ह्याचे लक्ष लागले आहे. येत्या काही दिवसांतच या हाय-व्होल्टेज लढतीचे चित्र स्पष्ट होईल.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
