शेतकऱ्यांसाठी गोड बातमी! भैरवनाथ शुगर गळीत हंगाम २०२२-२३ च्या ऊसास दिवाळीसाठी ५१ रुपये प्रमाणे दर देणार; अनिल सावंत यांची मोठी घोषणा

टीम मंगळवेढा टाईम्स ।

मंगळवेढा तालुक्यातील लवंगी येथील भैरवनाथ शुगर हा कारखाना गळीत हंगाम २०२२-२०२३ मध्ये गळीत झालेल्या ऊसास प्रती मे.टन ५१ रु. प्रमाणे दुसरा हप्ता देणार असल्याची महत्वपूर्ण घोषणा कारखान्याचे चेअरमन शिवाजीराव सावंत यांनी केली.

यावेळी म्हणाले की, दिवाळीसाठी म्हणून ५१ रु. ज्यादा दर देणार असल्याची घोषणा कारखाना प्रशासनाकडून करण्यात आलेली होती. त्यास अनुसरून कारखाना प्रशासनाकडून सदरची रु.५१ प्रमाणे होणारी रक्कम ऊस उत्पादक यांच्या खात्यावर आज दिनाक १३/११/२०२३ रोजी वर्गही करण्यात येणार आहे.

मात्र ऊस उत्पादक शेतकरी, तोडणी वाहतूक, ठेकेदार व प्रमुख पदाधिकारी यांनी कारखाना प्रशासनाकडे अधिकच्या दराची मागणी केली होती.

यावेळी त्यांच्याशी झालेल्या चर्चे नुसार, व कारखान्याचे  मार्गदर्शक  मा प्रा ना डॉ तानाजीराव सावंत साहेब  यांच्या सुचने  नुसार त्यांच्या मागणीचा व दुष्काळी परिस्थितीचा सकारात्मक विचार करून दिवाळी साठी नव्याने ५१ रु प्रती मे.टन दर देणार असल्याची घोषणा चेअरमन शिवाजीराव सावंत साहेब यांनी केली आहे.

असलेली सदरची रु.५१ रु प्रती मे.टन प्रमाणे होणारी रक्कम ही ऊस उत्पादक यांच्या खात्यावर वर्ग करण्यात येणार आहे.

तसेच प्रती वर्षी प्रमाणे दीपावलीसाठी ऊस उत्पादक यांच्या करीता सवलतीच्या दरातील साखर वाटप हे भैरवनाथ शुगरच्या संबंधीत गट विभागातून उद्या दि.११ नोव्हेंबर पासून करण्यात येणार आहे.

तसेच गळीत हंगाम २०२३-२०२४ करीता यापूर्वीच घोषित केल्या प्रमाणे पहिली उचल ही रु.२५५१ प्रमाणे देणार असल्याचे ही सावंत यांनी यावेळी सांगितले.

यावेळी व्हा.चेअरमन अनिल दादा सावंत यांनी भैरवनाथ शुगर लवंगीला जास्तीत जास्त ऊस देऊन सहकार्य करावे असे आवाहन केले.

यावेळी बाळासाहेब शिंदे साहेब जनरल मॅनेजर व मुख्य शेती अधिकारी शिवाजी चव्हाण व शेती अधिकारी कृष्णदेव लोंढे, वित्त अधिकारी देवानंद पासले, आदी अधिकारी व कर्मचारी उपस्थित होते तसेच पंढरपूर मंगळवेढा, सांगोला, मोहोळ, ऊस उत्पादक शेतकरी मोठ्या संख्येने उपस्थित होते.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज