टीम मंगळवेढा टाईम्स ।
मंगळवेढा शहरातील सर्व दुकाने,मॉल,मंगल कार्यालये,हॉटेल,कोचिंग क्लासेस आदी सार्वजनिक ठिकाणी नागरीकांनी मास्क वापरणे वापरणे आवश्यक असून जी व्यक्ती/दुकानदार मास्क वापरत नसतील त्यांच्यावर कडक कारवाई करण्याचा इशारा तहसीलदार स्वप्नील रावडे यांनी दिली आहे.
आज तहसील कार्यालयात कोरोनासंदर्भात शहरातील मंगल कार्यालये मालक, हॉटेल्स चालक, व्यापारी अध्यक्ष व प्रतिनिधी, खासगी शिकवणी वर्ग आदींची बैठक आयोजित करण्यात आली होती.त्याप्रसंगी ते बोलत होते.
राज्यात कोरोनाचा प्रादुर्भाव मोठ्या प्रमाणात होत असून ग्रामीण भागात याचा प्रसार होऊ नये यासाठी मंगळवेढा शहरात व ग्रामीण भागातील नागरिकांनी मास्क वापरणे सुरू केले पाहिजे.शहरातील सर्व दुकाने, मॉल,हॉटेल, मंगलकार्यालय येथे दुकानदार व ग्राहकांनी मास्क वापरणे आवश्यक केले आहे.
शहरात आजपासून विना परवाना कोणताच कार्यक्रम घेता येणार नाही. लग्न कार्यास फक्त 50 जणांना मंजुरी देण्यात आली आहे.त्यापेक्षा जास्त नागरिक आढळल्यास नियमांचे उल्लंघन झाल्यास मंगल कार्यालय सील केले जाणार आहे.
सर्व दुकानात दुकानदार व माल खरेदी केलेल्या आलेल्या ग्राहकांनी मास्क वापरणे सुरू करावे अन्यथा पहिल्या वेळेस दंड व दुसऱ्या वेळेस दुकान 15 दिवसांसाठी सील करण्यात येणार आहे.
दुकानातील व्यक्ती कोरोना पॉझिटिव्ह आढळल्यास दुकान 14 दिवस सील होणार आहे. प्रत्येक ठिकाणी मास्क वापरने गरजेचे असून रस्त्यावरून जात असताना मास्क लावणे गरजेचे आहे.अन्यथा दंडात्मक कारवाई करण्यात येणार आहे.
आजपासून मास्क घातल्याशिवाय दुकानातील माल ग्राहकांना दिला जाणार नाही.सार्वजनिक ठिकाणी सर्व दुकान मॉल हे सॅनिटाझेशन करून घेण्याच्या सूचना तहसीलदार स्वप्नील रावडे यांनी दिल्या आहेत.
यावेळी मुख्याधिकारी निशिकांत परचंडराव ,जिल्हा नियोजन मंडळाचे सदस्य अजित जगताप,माजी नगराध्यक्ष भारत नागणे,नगरसेवक प्रवीण खावतोडे, कर निरीक्षक विनायक साळुंखे, व्यापारी संघाचे अध्यक्ष प्रकाश गायकवाड, अरुण किल्लेदार,आनंद खटावकर,विष्णुपंत जगताप,रोहित ताड,माजी नगरसेवक शिवाजी जाधव, श्रीदेवी ज्वेलर्सचे रत्नपारखी आदीजन उपस्थित होते.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9970 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 9970 76 6262 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
