सोलापूर-पुणे रोडवर अपघात; कंटेनरच्या धडकेत मंगळवेढा व पंढरपूर येथील युवकांचा मृत्यू

टीम मंगळवेढा टाईम्स ।

पंक्चर झालेल्या कारचे टायर खोलत असताना पाठीमागून वेगात आलेल्या कंटेनरने जोरदार धडक दिल्याने तुंगत ता.पंढरपूर येथील एकाचा व मंगळवेढा तालुक्यातील मानेवाडी येथील एका युवकांचा जागीच मृत्यू झाला आहे.

: – एकदा भेट द्या! शिवशंभो कलेक्शनमध्ये कपड्यांच्या खरेदीवर मिळतंय चांदीचे नाणे मोफत

ही घटना सोलापूर-पुणे महामार्गावरील बाळे येथील सुयोग हॉटेल जवळ रविवारी रात्री साडेदहाच्या दरम्यान घडली आहे.

याबाबत अधिक माहिती अशी की , सारंग प्रकाश रणदिवे (रा.तुंगत ता.पंढरपूर ) संजय विठ्ठल अमंगे (रा.मानेवाडी ता.मंगळवेढा , सध्या रा.तुंगत ता.पंढरपूर ) हे कारने ( एम.एच .13 ए.झेड – 7234 ) लातूर येथून तुंगतकडे येत होते.

यादरम्यान बाळे येथील सुयोग होटेल जवळ त्यांची कार पंक्चर झाली. कारचे टायर खोलत असताना पाठीमागून भरधाव वेगाने आलेल्या ट्रक कंटेनरने ( सीजी.04 एमपी 1457 ) कार शेजारी उभे असलेल्या दोघांना जोरदार धडक दिली.

यात दोघांचा जागीच मृत्यू झाला. सदरच्या घटनेने तुंगत व मानेवाडी गावावर शोककळा पसरली आहे. दोन युवक गेल्याने गावकऱ्यांमधून हळहळ व्यक्त करण्यात येत आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.