नीता ढमालेंच्या सांगली दौऱ्याला पदवीधरांचा उत्स्फूर्त प्रतिसाद
“ही कारखानदारांची नव्हे, तर पदवीधरांची निवडणूक आहे” असे मार्मिक आवाहन करत पुणे पदवीधर निवडणुकीच्या मैदानात उतरलेल्या उमेदवार नीता ढमाले या सांगली जिल्हा दौऱ्यावर आहेत.
सांगली शहर, इस्लामपूर आणि मिरज येथे झालेल्या त्यांच्या मतदार मेळाव्यांना पदवीधरांनी उत्स्फूर्तपणे प्रतिसाद दिला. या मेळाव्यांना मोठ्या संख्येने पदवीधर मतदार उपस्थित होते.
प्रमुख पक्षांनी पुरस्कृत केलेले दोन्ही उमेदवार सांगली जिल्ह्यातीलच असतानाही नीता ढमाले यांच्या मतदार मेळाव्यांना मिळणारा प्रतिसाद पाहता कुठलाही स्टार प्रचारक नसताना त्यांची प्रचारयंत्रणा तळागाळात जाऊन जोरदारपणे काम करत असल्याचे लक्षात येते.
सांगली कोल्हापूर महापुराच्या वेळी नीता ढमाले यांनी या परिसरात नागरिकांना सर्वोतोपरी सहकार्य केले होते. गेल्या काही वर्षांपासून या भागात त्यांचे सामाजिक काम सुरू आहे.
मिरज मेळाव्यात बोलताना ढमाले यांनी सांगितले की, ‘पदवीधर तरुणांसमोर बेरोजगारीचा मोठा प्रश्न आहे, परंतु कोणताच पक्ष त्यावर ठोस उपाययोजना करत नाही. पदवीधरांसाठी शासनाने बिनव्याजी कर्ज योजना सुरु कराव्या.
त्यांच्यासाठी स्थानिक पातळीवर सेवा केंद्र उभारावीत, वृद्ध पदवीधरांना पेन्शन सुरू व्हावी अशा अनेक प्रश्नांवर आपली काम करायची इच्छा आहे. त्यासाठीच मी या निवडणुकीला सामोरे जात आहे.
इस्लामपूर येथे झालेल्या मेळाव्यासाठी २०० हून अधिक स्पर्धापरिक्षा परीक्षार्थी, पदवीधर युवक युवतींसोबत, पत्रकार, ज्येष्ठ पदवीधर नागरिक उपस्थित होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
