टीम मंगळवेढा टाईम्स।
एसटी कर्मचाऱ्यांनी आज शरद पवारांच्या घराबाहेर जोरदार आंदोलन केले आहे. यावेळी एसटी कर्मचारी हातात दगड घेऊन आणि चपला घेऊन दिसून आले.
यावेळी शरद पवार आणि अजित पवार यांना चोरांचे सम्राट म्हणत एसटी कर्मचाऱ्यांनी जोरदार घोषणाबाजी केली. शरद पवार आमच्या विलीनीकरणाच्या आड आले.
अशा प्रतिक्रिया एसटी कर्मचारी देत होते मात्र मध्येच एक महिला येते आणि प्रतिक्रिया देते की कुणाकुणाला अडवणार आहेत. आमचं वैर आहे सत्ताधाऱ्यांशी.
अजित पवार, शरद पवारांच्या दारात महिलेने फोडला चुडा
आम्ही आज विधवा झालो आहोत. 120 जणांच्या नावानं मी चुडा फोडल्यात आज अजित पवार, शरद पवारांच्या दारात! आज माझा आक्रोश आहे त्यांच्याबद्दल.
120 भगिनी विधवा…लेकरं रडायला लागलीये
आज माझ्या 120 भगिनी विधवा झाल्या. त्यांच्या घरी काय अवस्था आहे ओ. त्यांची लेकरं रडायला लागलीये. असा आक्रोश या महिलेचा यावेळी दिसून आला.
राष्ट्रवादीचे कर्याकर्ते आक्रमक
एकीकडे शरद पवार हेच एसटीचे विलिनीकरण न होऊ देण्यास कारणीभूत असल्याचा आरोप एसटी कर्मचाऱ्यांकडून करण्यात आला आहे. त्यामुळे आज एसटी कर्मचाऱ्यांकडून शरद पवार यांच्या निवासस्थानी आंदोलन करण्यात आले.
चपला भिरकवण्यात आल्या तसेच दगडफेकही करण्यात आली. तर दुसरीकडे एसटी कर्मचाऱ्यांनी आज जे काही शरद पवार यांच्या निवासस्थानाबाहेर आंदोलन केले त्याला गुणरत्न सदावर्ते हेच जबाबदार असल्याचा आरोप राष्ट्रवादीच्या कार्यकर्त्यांकडून करण्यात आला आहे.
या सर्व घडामोडींसाठी सदावर्तेच जबाबदार असून, त्यांना चपलीने मारलं पाहिजे असं राष्ट्रवादीच्या कार्यकर्त्यांनी म्हटले आहे. राष्ट्रवादीच्या कर्यकर्त्यांकडून देखील जोरदार घोषणाबाजी करण्यात आली.
जल्लोष करणाऱ्यांनी अचानक आंदोलन का केले?
दरम्यान यावर प्रतिक्रिया देतान सुप्रिया सुळे यांनी म्हटले आहे की, एसटी कर्मचाऱ्यांचे हे अशा पद्धतीचे आंदोलन अतिशय दुर्दैवी आहे. महाराष्ट्राच्या संस्कृतीत हे असं पहिल्यांदाच घडतंय. मी हात जोडून विनंती करते की हे सर्व थांबवा.
आपण चर्चेतून मार्ग काढू, माझी चर्चेला बसण्याची तयारी आहे. काल जे जल्लोष करत होते, ते आज अचानक आंदोलनावर का उतरले? असा सवाल देखील सुप्रिया सुळे यांनी उपस्थित केला आहे.(स्रोत:TV9 मराठी)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज