कोल्हापूर जिल्ह्यातील आजरा तालुक्यातील बहिरेवाडी येथील ऋषीकेश रामचंद्र जोंधळे (वय २०) हे भारतीय सैन्यदलातील जवान शहिद झाले.
पाकिस्तानच्या भ्याड हल्ल्यात बारामुल्ला जम्मू काश्मीर येथे ऋषीकेश हे जखमी होवून शहीद झाल्याचे प्राथमिक माहीती मिळाली आहे. ऋषीकेश दोन वर्षांपुर्वी सैन्य दलात भरती झाले आणि त्यांचे सैन्यातील ट्रेनींग पुर्ण होऊन ते ड्युटीसाठी जॉईन झाले होते.
कोरोना लॉकडॉउनच्या काळात ते गावी होते. महिन्याभरापुर्वी ते ड्युटीवर हजर झाले. त्यांचे प्राथमिक व माध्यमिक शिक्षण गडहिंग्लज मध्ये झाले होते. शिवराज कॉलेज गडहिंग्लज येथे एन. सी. सी. प्रशिक्षण पुर्ण झाल्यावर ते सैन्य दलात भरती झाले.
त्यांच्या पश्चातआई वडील, एक बहीण असा परिवार आहे. ऐन दिवाळीत ऋषीकेश शहीद झाल्याची माहिती समजताच ते राहत असलेल्या देवूळ गल्लीसह गावावर शोककळा पसरली आहे.
पार्थिव रविवारी येण्याची शक्यता
जोंधळे यांचे पार्थिव गावात रविवारी येण्याची शक्यता असून बाहेरेवाडी हायस्कूलच्या मैदानावर शासकीय इतमात अंत्यसंस्कार होणार आहेत.
गावातील दुसरा जवान शहीद
जम्मू काश्मीर मध्ये प्रविण जानबा येलकर हे २०१७ मध्ये शहीद झाले होते. त्यानंतर जोंधळे हे शहीद झाले.
आई, बहीण, वडीलांचा आक्रोश
आपला मुलगा शहीद झाल्याचा फोन मित्राकरवी रामचंद्र शेवाळे यांना आला अन् त्यांना एकच धक्का बसला. आई, बहीण यांचा आक्रोश हदय पिळवटून टाकणारा होता. घरासमोर एकच गर्दी झाली होती.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज