मंगळवेढा टाईम्स न्युज नेटवर्किंग ।
सोलापूर जिल्हा विधान परिषदेच्या निवडणुकीला एक आठवड्याचा कालावधी उरलेला असतानाच भाजप प्रदेशाध्यक्ष रवींद्र चव्हाण यांनी काल सोलापूरमध्ये महायुतीच्या नेत्यांची बैठक घेतली. या बैठकीला महाविकास आघाडीच्या पाच आजी-माजी आमदारांनी हजेरील लावल्याने ती विशेष गाजली.
मात्र, भाजपकडून इच्छूक असलेले माजी आमदार प्रशांत परिचारक यांची या बैठकीला अनुपस्थिती होती. परिचारक आजारी असल्यामुळे कालच्या बैठकीला उपस्थित राहू शकले नाहीत, अशी माहिती मिळाली आहे.
विधानपरिषद निवडणुकीसाठी माजी आमदार प्रशांत परिचारकही उत्सुक होते. मात्र, भाजपकडून बार्शीचे माजी आमदार राजेंद्र राऊत यांना उमेदवारी देण्यात आली आहे. त्यामुळे माजी आमदार परिचारक यांच्यासह त्यांचे समर्थकही नाराज झाले होते.
माजी आमदार राजेंद्र राऊत यांनी प्रशांत परिचारक यांची पंढरपुरात जाऊन भेट घेतली. त्यावेळी त्यांनी आपण राऊत यांच्या पाठीशी उभे राहणार असल्याचे स्पष्ट केले होते.
चार दिवसांपूर्वी खुद्द माजी आमदार प्रशांत परिचारक हे राऊत यांच्या प्रचारात सक्रीस सहभागी झाले होते.
मंगळवेढा, पंढरपूर, सांगोला येथील बैठकीला प्रशांत परिचारक उपस्थित होते.
मात्र, आज सोलापुरात प्रदेशाध्यक्ष रवींद्र चव्हाण यांच्या उपस्थित आयोजित करण्यात आलेल्या महायुतीच्या बैठकीला माजी आमदार परिचारक हे अनुपस्थित होते.
मात्र, ते आजारी असल्याने प्रदेशाध्यक्षांच्या बैठकीला उपस्थित राहू शकले नाहीत, अशी माहिती भाजप पदाधिकाऱ्यांकडून देण्यात आली आहे.
महाविकास आघाडीच्या पाच आजी-माजी आमदारांची हजेरी
राष्ट्रवादी काँग्रेस शरदचंद्र पवार पक्षाचे माळशिरसचे आमदार उत्तम जानकर, माढ्याचे आमदार अभिजीत पाटील आणि करमाळ्याचे आमदार नारायण पाटील,
शेतकरी कामगार पक्षाचे सांगोल्याचे डॉ. बाबासाहेब देशमुख हे चार विद्यमान आमदार, तर माढ्याचे माजी आमदार धनाजी साठे यांनी भाजपचे उमेदवार राजेंद्र राऊत यांना पाठिंबा जाहीर केला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
