टवाळखोरांनो सावधान! मंगळवेढ्यात ‘निर्भया पथक’ फिरतेय; शाळा आणि बाजारपेठेत कडक गस्त

मंगळवेढा टाईम्स न्युज नेटवर्क। 

महिला व विद्यार्थिनींच्या सुरक्षेसाठी मंगळवेढा उपविभागातील निर्भया पथकाने विविध ठिकाणी धडक पेट्रोलिंग करत जनजागृती मोहीम राबवली.

मंगळवेढा शहरातील शाळा, बसस्थानक, क्लासेस तसेच आठवडा बाजार परिसरात भेटी देत विद्यार्थ्यांना सुरक्षा आणि कायदेशीर मदतीबाबत मार्गदर्शन करण्यात आले.

निर्भया पथकाने दामाजी हायस्कूल, सिद्धेश्वर हायस्कूल (ब्रह्मपुरी), एमएससीआयटी क्लासेस तसेच मंगळवेढा बसस्थानक व आठवडा बाजार परिसरात पेट्रोलिंग केले.

यावेळी विद्यार्थ्यांशी संवाद साधत निर्भया पथकाच्या कार्याची माहिती देण्यात आली. विद्यार्थ्यांच्या अडचणी जाणून घेत त्यांना त्वरित मदतीचे आश्वासन देण्यात आले.

यावेळी पीएसआय डॉ. आरती कणिरे यांनी विशेषतः मुलींशी संवाद साधून त्यांच्या समस्या समजून घेतल्या. कोणताही त्रास किंवा अनुचित प्रकार घडल्यास तत्काळ ‘डायल ११२’ वर संपर्क साधावा, तसेच शाळेतील तक्रार पेटीचा वापर करावा, असे आवाहन त्यांनी केले.

याशिवाय शाळेतील प्राचार्य व शिक्षकांशीही चर्चा करून परिसरातील सुरक्षेच्या दृष्टीने आवश्यक उपाययोजनांवर भर देण्यात आला.

हॉटस्पॉट म्हणून ओळखल्या जाणाऱ्या ठिकाणी विशेष भेटी देत निर्भया पथकाने सतर्कता वाढवली. या मोहिमेमुळे विद्यार्थ्यांमध्ये आत्मविश्वास निर्माण झाला असून, महिलांच्या सुरक्षेबाबत सकारात्मक संदेश दिला गेला आहे.

या कारवाईत पीएसआय आरती कणिरे, पोलिस कॉन्स्टेबल नकाते, पोलिस पाटील प्रशांत पाटील, जोंधळे यांनी सहभाग घेतला.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज