मंगळवेढा टाईम्स न्युज नेटवर्क ।
घरगुती गॅस सिलिंडरमधून व्यावसायिक सिलिंडरमध्ये गॅस भरून काळाबाजार करणाऱ्या एका अड्ड्यावर काळेपडळ पोलिसांनी छापा टाकला.
या कारवाईत १०३ गॅस सिलिंडर आणि चारचाकी वाहनासह सुमारे दहा लाख रुपयांचा मुद्देमाल जप्त केला असून, एका आरोपीला अटक करण्यात आली आहे.
नितीन हनुमंत होळकर (वय-३८, रा. हांडेवाडी, पुणे) असे या आरोपीचे नाव आहे. पोलिसांनी दिलेल्या माहितीनुसार, हांडेवाडी परिसरात घरगुती गॅसमधून व्यावसायिक गॅस सिलिंडरमध्ये गॅस भरण्यात येत असल्याची माहिती तपास पथकातील पोलिस अंमलदार महादेव शिंदे यांना मिळाली. त्यानुसार पोलिसांनी घटनास्थळी धाव घेतली.
हांडेवाडीतील एका दुकानाशेजारी टेम्पोमध्ये पोलिसांना घरगुती आणि व्यावसायिक वापराचे सिलिंडर आढळून आले.
पोलिसांनी दुकानात जाऊन पाहिले असता, एकजण धोकादायक पद्धतीने घरगुती गॅस सिलिंडरमधून पाच किलोच्या व्यावसायिक सिलिंडरमध्ये गॅस भरत असल्याचे आढळून आले. चौकशीत त्याच्याकडे कोणताही कायदेशीर परवाना नसल्याचे उघडकीस आले.
या कारवाईत पोलिसांनी १०३ गॅस सिलिंडर आणि एक मोटार असा दहा लाख रुपयांचा मुद्देमाल जप्त केला आहे. आरोपी नितीन होळकर याच्याविरुद्ध काळेपडळ पोलिस ठाण्यात अत्यावश्यक वस्तू अधिनियमानुसार गुन्हा दाखल केला आहे.
परिमंडळ सहाचे पोलिस उपायुक्त राजकुमार शिंदे, सहाय्यक आयुक्त अतुलकुमार नवगिरे आणि वरिष्ठ पोलिस निरीक्षक मानसिंग पाटील यांच्या मार्गदर्शनाखाली ही कारवाई करण्यात आली.
सहाय्यक निरीक्षक अमित शेटे यांच्यासह पोलिस अंमलदार प्रवीण काळभोर, दाऊद सय्यद, प्रतीक लाहीगुडे, अमोल फडतरे, विशाल ठोंबरे, शाहीद शेख, लक्ष्मण काळे, अतुल पंधरकर, सद्दाम तांबोळी, प्रदीप बेडीस्कर, महादेव शिंदे आणि गिरिराज जगदाळे यांच्या पथकाने हा काळाबाजार उघडकीस आणला.
दरम्यान, मंगळवेढा शहरात व परिसरात अशा अवैध गॅस काळाबाजार घटना घडत असल्याचीचर्चा दबक्या आवाजात सुरू आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
