टीम मंगळवेढा टाईम्स ।
महिलेवर केलेल्या कथित दुष्कर्म प्रकरणी आपणास अटक होईल या भीतीने माजी भाजप जिल्हाध्यक्ष श्रीकांत देशमुख यांनी केलेल्या अंतिम अटकपूर्व जामीन अर्जाची सुनावणी
सोलापूरचे जिल्हा व सत्र न्यायाधीश के.डी. शिरभाते यांच्यासमोर होऊन त्यांनी श्रीकांत देशमुख यांस अटक न करण्याचे आदेश पारित केले.
मुंबई येथील एका महिलेने अर्जदार श्रीकांत देशमुख यांनी त्यांना लग्नाचे अमिष दाखवून मुंबई, सोलापूर, पुणे,सांगली इत्यादी ठिकाणी त्यांच्यावर दुष्कर्म केले,
मात्र लग्न केले नाही अशा आशयाची फिर्याद प्रथमता पुणे येथील डेक्कन जिमखाना पोलीस ठाण्यात दाखल केली होती.
मात्र पोलिसांनी ती सोलापूरच्या सदर बझार पोलीस ठाण्यात वर्ग केली व पोलीस श्रीकांत देशमुख यांना अटक करणेसाठी त्यांचे मागावर होते.
त्यामुळे आपणास त्या प्रकरणी अटकपूर्व जामीन मंजूर करावा असा अर्ज एडवोकेट मिलिंद थोबडे यांच्यामार्फत दाखल केला.
सुनावणीचे वेळी एडवोकेट मिलिंद थोबडे यांनी आपले युक्तिवादात सक्रत दर्शनी दुष्कर्माचा गुन्हा आकर्षित होत नाही.
अर्जदार हा कोठेही पळून जाणार नाही व तो न्यायालयाचे आदेशाचे पालन करेल असा युक्तिवाद केला, त्यावरून न्यायाधिशांनी श्रीकांत देशमुख यांना अटक न करण्याचे आदेश पारित केला.
पोलीस ठाण्यात हजेरी देण्याचा आदेश
मात्र पोलीस ठाण्यात दिनांक 26 जुलै 2022 व 27 जुलै 2022 रोजी हजेरी देण्याचा आदेश केला व पुढील सुनावणीसाठी दिनांक 28 जुलै 2022 ही तारीख नेमली.
यात आरोपीतर्फे ऍडव्होकेट मिलिंद थोबडे, एडवोकेट आकाश गायकवाड, मुंबई एडवोकेट बाबासाहेब जाधव, ऍडव्होकेट विनोद सूर्यवंशी, ऍडव्होकेट निशांत लोंढे यांनी काम पाहिले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
