टीम मंगळवेढा टाईम्स ।
श्री.संत दामाजी सहकारी साखर कारखान्याच्या संचालक मंडळाच्या निवडीनंतर आज चेअरमन व्हाईस चेअरमन या पदांच्या निवडी होणार आहे. यामध्ये चेअरमन पदासाठी आमदार प्रशांत परिचारक यांचे कट्टर समर्थक शिवानंद पाटील यांची निवड यापूर्वीच निश्चित करण्यात आली होती.
काल सोमवारी तानाजी खरात यांची व्हाईस चेअरमन पदी निवड करण्याचा निर्णय घेण्यात आला आहे. यामुळे आज होणाऱ्या चेअरमन व व्हाईस चेअरमन पदाच्या निवडीची उत्सुकता संपली असून
आता केवळ निवडणूक निर्णय अधिकान्याकडून शिवानंद पाटील व तानाजी खरात यांना अनुक्रमे चेअरमन व व्हाईस चेअरमन म्हणून निवड करण्यात आली आहे असे घोषित करण्याची औपचारिकता राहिली आहे.
संत दामाजी कारखान्याच्या संचालक मंडळाच्या निवडणुकीमध्ये समविचारी आघाडीने विद्यमान आमदार समाधान अवताडे यांच्या पॅनलचा दारुण पराभव केला.
ओबीसी मतदारसंघात अशोक केदार सर बिनविरोधी झाले, पहिला निकाल आमदार अवताडे यांच्या बाजूने गेला होता. बाकीच्या या निवडणुकीमध्ये समविचारी आघाडीच्या विजयी झाले आहेत संस्था मतदारसंघात सिद्धेश्वर अवताडे हे विजय झाले आहेत.
कारखान्याच्या निवडणुकीमध्ये समविचारी आघाडीने प्रचाराचा शुभारंभ श्री क्षेत्र माचनूर सिद्धेश्वर मंदिरामध्ये केला तेव्हापासून समविचारी आघाडीच्या प्रचाराचा जोर वाढत गेला होता.
जनाधार मिळत गेला सुरुवातीला राजकीय दृष्टिकोनातून पाहिली जाणारी निवडणूक समविचारी आघाडीने ऊस उत्पादकाचे ऊस बिल कामगारांचा पगार,
१९५०० दामाजी कारखान्याने गेल्या सहा वर्षात ऊस उत्पादकांचा ऊस वेळेवर नेला नाही ऊस तोडणी कामगार वाहतूकदार यांनी ऊस उत्पादकाला सहकार्य केले नाही हे सर्व मुद्दे समविचारी आघाडीने कारखान्याच्या निवडणुकीच्या प्रचारात प्रभावीपणे मांडले.
कामगारांचे शेतकन्यांचे प्रश्न सोडवतील कारखान्याची प्रगती होईल आधुनिकरण होईल ज्याप्रमाणे रिकवरी मध्ये जिल्ह्यात दोन क्रमांकाला, दहा रुपये किलो दराने साखर सभासदांना दिली.
त्याचबरोबर ऊस तोडणी पासून सभासदांना ऊस उत्पादक शेतकन्यांना कामगारांना अमुलाग्र बदल झालेला दिसेल. तालुक्याच्या विकासात दामाजीचे योगदान आणखी मोठ्या प्रमाणात वाढेल डिस्टिलरी प्रकल्प सुरू होईल अशा अनेक अपेक्षा त्यांच्याकडून होत्या
दुर्दैवाने कोरोना आजारामुळे दोन वर्ष हंगाम अडचणीत आला होता सुरुवातीचा हंगाम मात्र मिळाला दुष्काळामुळे अनेक अडचणी आल्या होत्या, परंतु ऊस उत्पादक सभासद सभासद सर्वसामान्य कार्यकर्ते तालुक्यातील जनता यांना आमदार अवताडे यांच्याकडून मोठ्या प्रमाणात अपेक्षा होत्या.
यामुळे या निवडणुकीत आमदार अवताडे यांना निवडणुकीत प्रचार करताना विरोधकांच्या आरोपाला उत्तर देणे विरोधकांच्या टीकेला प्रत्युत्तर करणे अवघड झाले होते.
राजकारणामध्ये सर्व विरोधात एकत्र येणे हे राजकीयदृष्ट्या अडचणीचे ठरते याची जाणीव अवताडे गटाला झाले असणार आहे. पोट निवडणुकीमध्ये प्रशांत परिचारक गटाने सहकार्य केले होते.
परंतु या निवडणुकीत परिचारक समर्थकांनीच विरोधात पॅनल केले त्यांनी पॅनल केल्यामुळे भगीरथ भालके गटाला निवडणूक लढवण्यासाठी उत्साह निर्माण झाला.
रतनचंद शहा सहकारी बँकेचे चेअरमन राहुल शहा, जिल्हा बँकचे माजी संचालक बबनराव आवताडे असे राजकारणातले सर्व गट आमदार यांच्या विरोधात गेले होते.
राजकारणामध्ये सहकार क्षेत्रात काम करताना सर्वांना बरोबर घेऊन काम करावे लागते बेरजेचे राजकारण करावे लागते बुद्धिबळातील त्याला प्यादे पुढे ढकलून डाव खेळता येतो.
परंतु जिंकण्यासाठी घोडा वजीर उंट हती याचा वापर केल्याशिवाय समोरचा प्रतिस्पर्थ्याचा राजा मारता येत नाही बऱ्याच वेळा अडीच घर खेळणारा घोडा बुद्धिबळात आणि राजकारणात यशस्वी ठरतो.
दुर्दैवाने आमदार समाधान आवताडे यांना या निवडणुकीत बुद्धिबळाच्या डावात हत्ती उंट बजीर समोरचे सैनिक भारता आले, परंतु समोरच्या प्रतिस्पर्ध्या करून बुद्धिबळातील घोड्याची अडीच घराची चाल मात्र शेवटपर्यंत ओळखता आली नाही आणि त्यामध्येच ते कधी चेक झाले आणि कधीच मेट झाले हे त्यांना निकालानंतरच समजले.
नवीन संचालक मंडळाला वा कारखान्याचा कर्जाच्या कामगारांच्या पगारासह व्यापारी देण्यासह प्रचंड मोठा गाडा ओढून न्यावयाचा आहे.
यासाठी रतनचंद शहा सहकारी बँक, धनश्री पतसंस्था, जिजामाता पतसंस्था, बळीराजा पतसंस्था या सर्वांनी ठरल्याप्रमाणे प्रत्येकी २५ कोटी रुपयांपर्यंतची मदत केली तर दामाजी साखर कारखाना या कर्जाच्या डोंगरातून पुन्हा चालू शकणार आहे,
कमी जास्तीला नव्हे तर पाठीमागे पंढरपूर अर्बन बँक देखील ठामपणे राहणार आहे. यामुळे शिवानंद पाटील तानाजी खरात व त्यांच्या सर्व सहकान्यांना दामाजी कारखानाचा अशक्य वाटणारा कारभार ते सक्षमपणे निश्चितपणे चालवून दाखवू शकतील असा विश्वास दामाजी कारखान्याच्या सभासदांनी व्यक्त केलेला आहे त्या विश्वासाला पात्र राहून हे सर्वजण कामकाज करतील अशी अपेक्षा व्यक्त केली जात आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज