मंगळवेढा टाईम्स न्युज नेटवर्किंग।
भारत निवडणूक आयोगाच्या निर्देशानुसार सुरू असलेल्या विशेष सखोल मतदार पुनरीक्षण (एसआयआर) मोहिमेअंतर्गत सोलापूरचे जिल्हाधिकारी एस. कार्तिकेयन यांनी मंगळवेढा शहरातील विविध प्रभागांना भेट देत कामाची पाहणी केली.
घराघरांत जाऊन सुरू असलेले मतदार पडताळणीचे काम, नागरिकांशी समन्वय तसेच मतदान केंद्रस्तरीय अधिकाऱ्यांच्या कार्याचा त्यांनी आढावा घेतला.
पाहणीदरम्यान जिल्हाधिकारी कार्तिकेयन यांनी मतदार नोंदणी व पडताळणी प्रक्रियेत कोणताही पात्र मतदार वंचित राहणार नाही, याची दक्षता घेण्याचे निर्देश दिले. उर्वरित काम अचूकपणे आणि निर्धारित मुदतीत पूर्ण करण्याच्या सूचना दिल्या.
यावेळी तहसीलदार मदन जाधव, नायब तहसीलदार जयश्री स्वामी, अॅड. दत्तात्रय तोडकरी, सुपरवायझर संतोष मोरे, तृप्ती रसाळ, अश्विन भोई, दिनेश सोनुने, अमोल वस्त्रे, सुयोग घोडके,
तुकाराम गोवे तसेच मतदान केंद्रस्तरीय अधिकारी सिद्धेश्वर अवघडे, दत्तात्रय हाके, निंगप्पा कोळी, शिवकुमार स्वामी, समाधान घोडके उपस्थित होते.
२००२ च्या यादीत नाव नसल्यास…
२००२ च्या विशेष पुनरीक्षणात स्वतःचे किंवा आई-वडिलांचे नाव नसल्यास जन्मदाखला, दहावीचे प्रमाणपत्र, पासपोर्ट, रहिवासी दाखला, कुटुंब नोंदवही,
वनहक्क प्रमाणपत्र, १ जुलै १९८७ पूर्वीचे शासकीय ओळखपत्र किंवा आधार कार्ड यापैकी कोणतेही एक कागदपत्र सादर करावे लागणार आहे.
मंगळवेढ्यात १,९९,५३० मतदारांची पडताळणी
मंगळवेढा तालुक्यातील १ लाख ९९ हजार ५३० मतदारांची पडताळणी होणार असून, त्यासाठी १८९ बीएलओ, १९ पर्यवेक्षक, एक नोंदणी अधिकारी व चार सहायक नोंदणी अधिकारी नियुक्त करण्यात आले आहेत.
मोहिमेची ठळक माहिती :
३० जून ते २९ जुलैः घराघरांत पडताळणी
५ ऑगस्ट : प्रारूप मतदार यादी 3 प्रसिद्ध
५ ऑगस्ट ते ४ सप्टेंबर : दावे व 3 हरकती
७ ऑक्टोबर : अंतिम मतदार यादी प्रसिद्ध
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
