मंगळवेढा टाईम्स न्युज नेटवर्किंग ।
एका बाजूला नागरिकांच्या मोठ्या अपेक्षा, पालिकेची नाजूक आर्थिक परिस्थिती, राज्य आणि केंद्रातील विरोधी पक्षाची सरकारे असताना दुसऱ्या बाजूला सभागृहात पाठीशी बहुमत नाही आणि प्रबळ विरोधी पक्ष उभा आहे. या प्रतिकूल परिस्थिती लोकनियुक्त नगराध्यक्षा डॉ. प्रणिता भालके सोमवार, दि. ५ जाने रोजी अध्यक्ष पदाची सूत्रे हाती घेणार आहेत.
नुकत्याच झालेल्या मंगळवेढा नगरपालिका निवडणुकीमध्ये तीर्थ विकास आघाडीच्या नवनिर्वाचित नगराध्यक्षा सुनंदा (आबी) बबनराव आवताडे या आज दि.5 जानेवारी रोजी सकाळी 11 वाजता
मंगळवेढा नगरपालिकेच्या कार्यालयामध्ये पदभार स्वीकारणार असल्याची माहिती तीर्थक्षेत्र विकास आघाडीचे युवक नेते सिद्धेश्वर आवताडे यांनी आमच्या प्रतिनिधीशी माहिती दिली.
यावेळी ते म्हणाले की, निवडणूक निर्णय अधिकारी व मंगळवेढा नगरपालिकेचे प्रशासन अधिकारी यांनी ठरवून दिलेल्या कालावधी नुसार आज नगरपालिकेच्या नगराध्यक्षपदाचा कार्यभार स्वीकारणार आहेत.
या वेळी मंगळवेढा नगरपालिकेतून निवडून आलेले सर्व नगरसेवक तसेच सर्व आजी-माजी पदाधिकारी नेतेमंडळी तसेच कार्यकर्ते यांनी
शिवप्रेमी चौकातील शिवतीर्थ प्रांगणामध्ये सकाळी अकरा वाजता एकत्र येण्याचे आव्हान मंगळवेढा कृषी उत्पन्न बाजार समितीचे सभापती सुशील आवताडे यांनी केलेले आहे.
तसेच यावेळी चहापाण्याचा कार्यक्रम आयोजित केलेला असून सर्वांनी उपस्थित राहण्यासाठी तीर्थक्षेत्र विकास आघाडीच्या सर्व पदाधिकाऱ्यांनी सर्वांना निमंत्रित केलेले आहे.
दरम्यान, विकासाचे व्हिजन असलेल्या सभ्य, सुसंस्कृत उमेदवार म्हणून मंगळवेढेकरानी मोठ्या अपेक्षेने सुनंदा आवताडे यांना भाजपचा पर्याय नाकारून निवडून दिलेले आहे. आज उपनगराध्यक्ष, स्वीकृत नगरसेवक निवड होणार का? याकडे सर्वांचे लक्ष लागून राहिले आहे.
प्रशासनाला विश्वासात घ्यावे लागणार आहे.
पालिकेतील प्रशासनावर पाठीमागील पदाधिकाऱ्यांचा प्रभाव आहे, त्यामुळे कारभार करताना आवताडे यांना प्रशासनाकडून कितपत सहकार्य मिळते यावरही त्याना अवलंबून राहावे लागणार आहे. सर्व प्रशासनाला विश्वासात घेऊन कार्यक्षमतेने जनतेचे समस्यांवर काम करावे लागणार आहे.
मूलभूत सुविधांना प्राधान्य द्यावे लागणार
धूळ, रस्त्यावरील खड्डे, वाढती अतिक्रमणे, ठिकठिकाणी अस्वच्छता, पालिका शाळांची दुरवस्था, आरोग्य सुविधांचा अभाव, स्वच्छता गृहांचा अभाव, उद्यानांची दुरवस्था, भागातील नागरी समस्या, पालिकेच्या व्यापारी संकुलांची दुरवस्था, शहराचे वाढते बकालीकरण अशा प्रश्नावर नूतन नगराध्यक्ष आवताडे यांना काम करावे लागणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
