खेळाडूंसाठी आनंदाची बातमी! आ.समाधान आवताडे यांनी केली मोठी घोषणा

टीम मंगळवेढा टाईम्स ।

मंगळवेढा तालुक्यातील अनेक शालेय विद्यार्थी, युवक व युवती यांनी निरनिराळया खेळांच्या माध्यमातून मंगळवेढयाचे नाव उज्वल केले आहे. त्यामुळे मंगळवेढा तालुक्याला खेळांची खूप मोठी परंपरा लाभलेला आहे.

तालुक्यातील क्रीडापटूंच्या कौशल्यांना वाव सदर देण्यासाठी तालुक्याला क्रीडा संकुलाची नितांत गरज असून, खेळाडूंना एक हक्काचे व्यासपीठ उपलब्ध होणार आहे.त्यासाठी लवकरात लवकर परिपूर्ण क्रीडा संकुल उभारण्यावर भर असल्याचे आ. समाधान आवताडे यांनी सांगितले.

आ.आवताडे यांनी तहसील कार्यालयात शहरामध्ये उभारण्यात येत असलेल्या क्रीडा संकुलाचे नियोजन व सद्यस्थिती आढावा घेण्यासाठी बैठक आयोजित केली होती. यावेळी ते बोलत होते.

आ.आवताडे पुढे बोलताना म्हणाले की , मन, मनगट आणि मेंदू यांचे चांगल्या पद्धतीने सशक्तीकरण करण्यासाठी खेळणे खूप महत्वाचे आहे. यामध्ये विशेषतः मैदानावरील खेळ खेळणे या सशक्तीकरणामध्ये महत्वाची भूमिका बजावतात.

त्या अनुषंगाने खेळांची व विविध क्रीडा प्रकारांची व्यापकता वाढविण्यासाठी प्रशस्त आणि सर्व सोयी-सुविधायुक्त क्रीडा संकुले असणे गरजेचे आहे.

मंगळवेढा शहरात नियोजित क्रीडा संकुल हे एकूण सहा एकर परिसरात उभारण्यात येणार आहे. नियोजित क्रीडा संकुलात नवनवीन आणि अत्याधुनिक साधनसामुग्री व खेळाचे साहित्य ठेवण्याच्या सूचना आ. आवताडे यांनी संबधित अधिकाऱ्यांना केल्या आहेत.

सदर बैठकीनंतर नवीन तहसील संकुलाची कार्यालयाच्या परिसरात पर्यावरण एक पूरक वृक्षारोपण करण्यात आले. या वृक्षारोपण कार्यक्रमातील पहिले झाड आमदार आवताडे यांच्या हस्ते लावण्यात आले.

यावेळी तहसीलदार स्वप्निल रावडे, पोलीस निरीक्षक ज्योतीराम गुंजवटे, जिल्हा क्रीडा आधिकारी नितीन तारळकर, नगरपरिषद मूख्याधिकारी निशिकांत प्रचंडराव, नायब तहसीलदार सुधाकर मागाडे, गटविकास आधिकारी सुप्रिया चव्हाण, जेष्ठ क्रीडा समिक्षक प्रा.येताळा भगत, भाजपा जिल्हा संघटक शशिकांत चव्हाण, जिल्हा उपाध्यक्ष औदुंबर वाडदेकर, तालुकाध्यक्ष गौरीशंकर बुरकूल ,

क्रीडाशिक्षक रामचंद्र दत्तु ,बिरुदेव घोगरे , दादा डोंगरे आदी मान्यवर, आधिकारी व पदाधिकारी उपस्थित होते . तालुका क्रीडा आधिकारी सत्यम जाधव यांनी कार्यक्रमाचे प्रास्ताविक करून उपस्थितांचे आभार मानले .

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.