टीम मंगळवेढा टाईम्स ।
राष्ट्रवादी चे अध्यक्ष खा.शरद पवार यांचा आज सरकोली दौरा असून सकाळी 10 वाजता ते सरकोली येथे येत आहेत. दि.28 नोव्हेंबर रोजी राष्ट्रवादीचे आमदार भारत भालके यांचे निधन झाले.
त्यामुळे भालके कुटुंबियांचे सांत्वन करण्यासाठी राष्ट्रवादी चे अध्यक्ष खा.शरद पवार आमदार भालके यांच्या गावी सरकोली येथे येणार आहेत. शरद पवार सांत्वनासाठी येणार असल्याने त्यांच्या दौऱ्याकडे जिल्ह्याचे लक्ष लागून राहिले आहे.
बारामती येथून हेलिकॉप्टरने सकाळी साडे नऊ वाजता त्यांचे पंढरपूर येथे आगमन होणार आहे. तिथून मोटारीने ते सरकोली कडे जाणार आहेत.सकाळी 10 वाजता सरकोली येथे त्यांचे आगमन होणार असून 10 ते साडे दहा वाजे पर्यंत ते आ.भालके यांच्या कुटुंबियांची भेट घेतील.
त्यानंतर परत मोटारीने पंढरपूर ला येऊन हेलिकॉप्टर ने बारामतीला प्रयाण ठेवतील. खा.पवारांच्या या सांत्वन दौऱ्याकडे जिल्ह्याचे लक्ष लागले असून पंढरपूर- मंगळवेढा विधानसभा निवडणुक , 21 डिसेंबर रोजी होणाऱ्या विठ्ठल सहकारी साखर कारखाना चेअरमन निवड तसेच आगामी संचालक मंडळाची पंचवार्षिक निवडणूक या अनुषंगाने खा.पवार काही सूचना मार्गदर्शन करतील.
पुढची दिशा निश्चित करून जातील असे मानले जात आहे.यांच्या आजच्या होणाऱ्या सरकोली दौऱ्याकडे संबंधित जिल्ह्याचे लक्ष लागून राहिले आहे.
आज पवार यांच्या भेटीत तर भारत भालके यांच्यावर प्रेम करणारे अनेक त्यांचे सहकारी , पदाधिकारी, कार्यकर्ते सरकोलीकडे धाव घेणार असल्याचे समजले आहे.
आ.भालके यांची भेट आणि पवारांचे ते तीन प्रश्न
वेगवेगळ्या कामानिमित्त मुंबई येथे भारत भालके जात असत.यावेळी आवर्जून खा.शरद पवार यांची ते भेट घेत असत.
या भेटीप्रसंगी खा.पवार भालके यांना ‘भारत ‘ या नावाने बोलत असत. भालके हे पवार यांच्या समोर बसले की नेहमीचे ठरलेले तीन प्रश्न खा.पवार आवर्जून विचारत असत.
यामध्ये विठ्ठल सहकारी साखर कारखान्याचं काम कसं सुरू आहे.मतदारसंघात काय करत आहेस . तसेच तब्येत कशी आहे.या तीन प्रश्नांच्या उत्तरानंतरच इतर काही चर्चा होत असायच्या, असे खा.पवार यांच्या भेटीतील माहिती सांगत असताना आ.भालके हे आवर्जून सांगायचे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
