टीम मंगळवेढा टाईम्स ।
मंगळवेढा शहरात ए.टी.एम. वरून पैसे काढून निघालेल्या एका सेवानिवृत्त पोलिस कर्मचाऱ्यावर त्यांच्या नातेवाईकांनी चाकू हल्ला केल्याची घटना घडली आहे.
याप्रकरणी आप्पासाहेब शंकरराव खांडेकर , किशोर आप्पासाहेब खांडेकर ( रा.सोलापूर ) या पिता पुत्र व अज्ञात दोन इसमाविरूध्द गुन्हा दाखल झाला आहे.
याबाबत अधिक माहिती अशी की,यातील जखमी फिर्यादी सोमनाथ कृष्णा हेगडकर (वय.५८) हे सेवानिवृत्त पोलिस कर्मचारी असून दि.७ रोजी सायंकाळी ४ च्या दरम्यान शहरातील जिल्हा मध्यवर्ती बँकेच्या ए.टी.एम.मधून पैसे काढून मोटर सायकलवरून घराकडे जात असताना
– स्व.आमदार भारत भालके यांचा उत्तराधिकारी विचारांचा असणार की रक्ताचा ?
होनमाने हॉस्पीटलच्या समोर दोन मोटर सायकलवरून आलेले नात्याने व्याही असलेले आरोपी यांनी मोटर सायकल आडवून तुम्ही केलेल्या तडजोडीप्रमाणे वागला नाहीत , तुला बघतो असे म्हणून गच्चीस धरून चाकूने पोटाच्या उजव्या बाजूस मारून गंभीर जखमी केल्याचे दिलेल्या फिर्यादीत म्हटले आहे.
घटनेनंतर फिर्यादी खाली कोसळताच आरोपीने घटनास्थळावरून पलायन केले.
– शेतकर्यांसाठी मंगळवेढा बंदमध्ये सामील व्हा; महाविकास आघाडीच्या वतीने आवाहन
जखमी फिर्यादीस उपचारासाठी ग्रामीण रुग्णालयात दाखल करण्यात आले आहे. या घटनेचा अधिक तपास मंगळवेढा शहर बीटचे पोलिस करीत आहेत.
निष्काळजीपणे कार चालवून एकाचा पाय फॅक्चर केल्याने कार चालकाविरूध्द गुन्हा दाखल
मंगळवेढा शहरातून पायी चालत जाणाऱ्या ३५ वर्षीय तरूणाच्या पायावरून कारगाडीचे चाक गेल्याने उजवा पाय फ्रैक्चर केल्याप्रकरणी अज्ञात कारचालकाविरूध्द गुन्हा दाखल करण्यात आला आहे.
नंदू सोपान अवघडे असे जखमी तरूणाचे नाव आहे.
या घटनेची हकिकत अशी , यातील जखमी फिर्यादी नंदू अवघडे हे दि.२ डिसेंबर रोजी दुपारी २.३० च्या दरम्यान मंगळवेढा शहरातील चोखामेळा चौकातून जुने तहसील कार्यालयाकडे पायी चालत जात असताना गणेश स्विट होमसमोर आले.
असता पाठीमागून ग्रे रंगाची अल्टो कार (एम एच १० सी.ए ५२३६) च्या चालकाने निष्काळजीपणे कार चालवून फिर्यादीस पाठीमागून धडक दिल्याने फिर्यादी खाली पडल्याने कार गाडीचे पुढचे चाक उजवे पायाच्या नडगीवरून गेल्याने पाय फ्रेंक्चर झाला असल्याचे दिलेल्या फिर्यादीत म्हटले आहे.
सदर घटनेनंतर अपघाताची खबर न देता वाहन चालक निघून गेला आहे.अधिक तपास सहाय्यक फौजदार राजकुमार निंबाळे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
