मंगळवेढा टाईम्स न्युज नेटवर्किंग ।
सोलापूर शहरातील सुशील नगर परिसरातून एक अत्यंत धक्कादायक घटना समोर आली आहे. इथं एका ३३ वर्षीय महिलेने तिच्या १४ वर्षांच्या चिमुकल्या मुलीसह धावत्या रेल्वेखाली स्वतःला झोकून देत आयुष्य संपवलं आहे.
रविवारी पहाटेच्या सुमारास विजापूर रोड परिसरात ही भयंकर घटना घडली. या घटनेमुळे संपूर्ण सोलापूर शहरासह सुशील नगर परिसरात प्रचंड खळबळ उडाली असून सर्वत्र हळहळ व्यक्त केली जात आहे.
वर्षा आधटराव (वय ३३ वर्षे) आणि स्वरा आधटराव (वय १४ वर्षे) अशी आत्महत्या केलेल्या मायलेकीची नावं आहेत. मिळालेल्या प्राथमिक माहितीनुसार, रविवारी पहाटे विजापूर रोडजवळील रेल्वे रुळावर ही घटना घडली.
दोघांनीही अचानक धावत्या रेल्वेसमोर उडी घेतल्याने त्यांचा जागीच दुर्दैवी मृत्यू झाला. घटनेची माहिती मिळताच स्थानिक रेल्वे पोलिसांनी तातडीने घटनास्थळी धाव घेतली. पोलिसांनी घटनेचा पंचनामा करून आई आणि मुलीचे मृतदेह शवविच्छेदनासाठी शासकीय रुग्णालयात पाठवला.
रात्री नवऱ्यासोबत वाद झाला, रागात घर सोडलं
एकाच वेळी आई आणि मुलीने अशा प्रकारे टोकाचे पाऊल का उचलले, याचे नेमकं कारण अद्याप समोर आलेलं नाही. प्राथमिक माहितीनुसार, शनिवारी रात्री उशिरा वर्षा यांचं आपल्या पतीसोबत वाद झाला होता.
या वादानंतर त्या रागाच्या भरात आपल्या १४ वर्षीय मुलीला घेऊन घराबाहेर पडल्या. यानंतर वर्षा यांचा पती पांडूरंग यांनी दोघींचा सर्वत्र शोध घेतला. मात्र दोघी कुठेही आढळून आल्या नाहीत. त्यानंतर त्यांनी थेट पोलीस ठाणं गाठत पत्नी आणि मुलगी बेपत्ता असल्याची तक्रार दाखल केली.
दरम्यान, पोलिसांना सुशील नगर परिसरात रेल्वे रुळावर मायलेकींचे मृतदेह आढळल्याची माहिती मिळाली होती. ही माहिती मिळताच पोलिसांनी पांडुरंग यांनी मृतांची ओळख पटवण्यासाठी बोलवून घेतलं. ते घटनास्थळी दाखल झाले असता ते मृतदेह पत्नी वर्षा आणि मुलगी स्वरा यांचेच असल्याचं निष्पन्न झालं.
पांडुरंग हा वर्षा यांच्या नात्यातील होता. तो आत्याचा मुलगा होता. नात्यात लग्न करूनही अशाप्रकारे किरकोळ वादातून मायलेकींनी जीवन संपवल्याने सुशीलनगर परिसरात हळहळ व्यक्त होत आहे. पोलीस सध्या या घटनेचा सखोल तपास करत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
