राजाभाऊ फुगारे । मंगळवेढा टाईम्स न्युज नेटवर्क
सहकार शिरोमणी वसंतराव सहकारी साखर कारखान्याचे पंचवार्षिक निवडणुकीचे बिगुल वाजले असून सत्ताधारी पॅनल च्या विरोधात श्री विठ्ठल सहकारी साखर कारखान्याचे चेअरमन अभिजीत पाटील यांचा पॅनल उभा असल्याने काल स्व.वसंतराव दादा काळे यांच्या वाडीकुरोली गावातूनच पहिली विचार विनिमय बैठक घेण्यात आली.
स्व.वसंतदादा काळे यांच्या पुतळ्यास पुष्प हार अर्पण करून माय माऊलींनी औक्षण करून अभिजीत पाटील यांचे हलगीच्या जल्लोषात वाडीकुरोली ग्रामस्थ सभासदांनी स्वागत केले.
इथं विकासाचा एक वेगळाच पॅटर्न बनलाय! तो म्हणजे ‘कारखाना चालवणारा माणूस’ इथं बंद असलेला साखर कारखाना कसा चांगला चालवला जाईल आणि शेतकरी, कामगारांना प्रामाणिकपणे न्याय देता येईल हाच विचार येथील शेतकरी सभासद व सर्वसामान्य नागरिक करत आहेत.
त्याच धर्तीवर आपण श्री विठ्ठल सहकारी साखर कारखानाच्या निवडणुकीमध्ये मायबाप सभासदांनी निवडून दिल्यानंतर कारखाना चालू करायच्या अगोदर थकीत ऊस बील देण्याचे काम देखील आपण प्रामाणिकपणे केले आहे.
श्री विठ्ठल परिवारातील सहकार शिरोमणी हा एक भाग असून त्या सभासदाला न्याय देण्याची भूमिका या ठिकाणी विठ्ठल प्रमाणेच राहील असे अभिजीत पाटील म्हणाले.
श्री विठ्ठल प्रमाणेच सर्व गोष्टी सहकार शिरोमणी कारखान्याच्या देखील प्रामुख्याने करण्यात येतील थकीत बिले, कर्मचाऱ्यांचे राहिलेले थकीत पगार, तसेच वाहतूक ठेकेदाराचे बिल व इतर देणी देण्याची भूमिका या ठिकाणी श्री विठ्ठल सहकारी साखर कारखान्याचे चेअरमन अभिजीत पाटील यांनी दिली.
अभिजीत पाटील गटामध्ये तरुणांची फौज आणि सर्वसामान्य सभासदांना विश्वासात घेऊन वाडीकुरोली येथील विकास सोसायटीचे सदस्य विठ्ठल निवृत्ती काळे तसेच बंडू लक्ष्मण साळुंखे (खेडभाळवणी), संतोष भालचंद्र गाजरे,
बापूनाना वामन गाजरे, नबीलाल शेख, विठ्ठल गाजरे (शेळवे) तसेच एकलासपूर मा.सरपंच बाळासाहेब शिवाजी ताड, संपत झांबरे (पळशी) या सह सोमनाथ गोरे(आढीव) यांनी अभिजीत पाटलांच्या कार्यशैलीवर व कार्यावर विश्वास ठेवून गटांमध्ये प्रवेश केला यामुळे भालके व काळे गटाला मोठा धक्का मिळाला आहे.
यावेळी स्वेरीचे सचिव बी.पी.रोंगे सर, श्री विठ्ठल कारखान्याच्या व्हा. चेअरमन प्रेमलता रोंगे, यशवंत पाटील, संचालक धनंजय काळे, माजी नगराध्यक्ष सुभाष भोसले विष्णू भाऊ बागल,शेतकरी संघटनेचे नेते सचिन पाटील रामचंद्र वाघ, बाबासाहेब काळे, अर्जुन काळे,
दादा पाटील, प्रमोद काळे, विठ्ठल काळे, मोहन काळे, पांडुरंग काळे, नितीन काळे, सचिन काळे, मारुती काळे, समाधान पाटील, चंद्रकांत काळे, अविनाश काळे यासह सभासद, शेतकरी बांधवासह, विविध संघटनेचे पदाधिकारी, तरूण वडीलधारी मंडळी मोठ्या संख्येने उपस्थित होते.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
