टीम मंगळवेढा टाईम्स ।
प्रेक्षकांनी खचाखच भरलेले मैदान, प्रचंड उत्कंठा, टाळ्या अन् हलग्यांच्या कडकडाटात टाकळी सिकंदरच्या भीमा केसरी कुस्ती मैदानात मोहोळच्या पैलवान सिकंदर शेख याने पंजाबच्या उंच्यापुऱ्या पैलवान प्रदीपसिंग जिरगपूरला एकचाक डावावर आस्मान दाखवत भीमा केसरीचा बहुमान व चांदीची गदा पटकावली.
तसेच महेंद्र गायकवाडने देखील उत्तम खेळ दाखवत पंजाबच्या पै. दिनेश गोलियावर विजय मिळविला. या दोन्ही मल्लांनी कुस्ती शौकिनांच्या डोळ्याचं अक्षरश: पारणं फेडलं.
१८ ते २० मिनिटे सुरू असलेली ही कुस्ती चांगलीच रंगली. सिकंदरने प्रदीपसिंगला एकचाक डावावर आस्मान दाखवत भीमा केसरीचा बहुमान व चांदीची गदा पटकावली. याशिवाय भीमा कामगार केसरी कुस्ती पृथ्वीराज पाटील विरुद्ध विशाल भुंदू यांच्यात झाली. त्यात पृथ्वीराज पाटील विजयी झाला.
भीमा सभासद केसरी किताबासाठी माऊली कोकाटे विरुद्ध गुरजीत मारगोड यांच्यात लहन याली या कुस्तीपटू माऊली कोकाटे गुणांवर विजय झाला. भीमा साखर केसरीसाठी झालेल्या लढतीत महेंद्र गायकवाड याने सिंगल नेल्सन डावावर दिनेशला अस्मान दाखवत कुस्ती जिंकली.
यावेळी खासदार धनंजय महाडिक, आमदार यशवंतराव माने, ज्येष्ठ नेते मनोहर डोंगरे, विठ्ठलचे चेअरमन अभिजित पाटील, भाजपचे संघटक धैर्यशील मोहिते-पाटील, प्राचार्य बी. पी. रोंगे, धनश्री परिवाराचे प्रमुख शिवाजीराव काळुंगे, राष्ट्रवादी काँग्रेसचे प्रवक्ते उमेश पाटील, जिल्हा दूध संघाचे उपाध्यक्ष दीपक माळी, पृथ्वीराज महाडिक, कृष्णराज महाडिक, मंगलताई महाडिक, अरुंधती महाडिक, वैष्णवी महाडिक,
भाजपचे माजी अध्यक्ष श्रीकांत देशमुख, पृथ्वीराज माने, विराज आवताडे, समाधान काळे, भाजपचे नेते शंकरराव वाघमारे, अंकुश आवताडे, सुशील क्षीरसागर, शिवसेनेचे जिल्हाप्रमुख चरणराज चवरे, राज्य द्राक्ष बागायतदार संघाचे अध्यक्ष शिवाजी पवार, लतीफ तांबोळी, सरपंच विश्वास महाडिक, भीमाचे उपाध्यक्ष सतीश जगताप, कार्यकारी संचालक सूर्यकांत शिंदे आदी उपस्थित होते.
अशोक धोत्रे, धनाजी मदने आणि पांडुरंग ताटे यांनी सूत्रसंचालन केले. शेवटच्या कुस्तीचे पंच म्हणून खासदार धनंजय महाडिक, राष्ट्रकुल पदक विजेते राम सारंग आणि अफसर शेख यांनी काम पाहिले
४०० मल्लांची हजेरी; १५ लाखांची बक्षिसे
भीमा कारखान्याचे संस्थापक कै. भीमराव महाडिक यांच्या स्मृतिदिन आणि खा. धनंजय महाडिक यांच्या वाढदिवसाचे औचित्य साधून भीमा कारखान्याच्यावतीने चेअरमन विश्वराज महाडिक 5 यांनी भीमा केसरी कुस्त्यांच्या मैदानाचे आयोजन केले होते.
या स्पर्धेत सोलापूर जिल्हा व महाराष्ट्रातील जवळपास ४०० मल्लांनी हजेरी लावली होती. या कुस्त्यांमध्ये भीमा केसरीची मानाची गदा उचलण्यासाठी महाराष्ट्र केसरी विजेता सिकंदर शेख व पंजाब केसरी विजेता प्रदीपसिंग जिरगपूर यांच्यात कुस्ती प्रेमींना खिळवून ठेवणारी प्रेक्षणीय दंगल झाली.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज