टीम मंगळवेढा टाईम्स ।
कॅन्सरने आजारी असलेल्या आईच्या उपचारासाठी ठेवलेले १ लाख ७२ हजार रुपये व ११ हजार रुपयांचे सोने चोरट्यांनी घरातील सर्वजण परगावी गेल्याची संधी साधून चोरून नेल्याची घटना कासेगाव येथील मठवस्ती (ता.पंढरपूर) येथे पहाटे घडली होती.
ही फिर्यादीच्याच भावाच्या मुलाने एका मित्रासह केल्याचे तपासात चोरी उघड झाले असल्याची माहिती पोलीस निरीक्षक मिलिंद पाटील यांनी दिली.
मिळालेल्या सूत्रांकडून माहितीनुसार, शमा सलीम शेख या आई व मुलीसह मठवस्ती येथे राहतात रविवारी कासेगांव येथे भावाच्या घरी कार्यक्रम असल्याने तिघीही त्या ठिकाणी गेल्या होत्या. तेथेच रात्री मुक्कामी राहिल्या.
दरम्यान, रात्रीतच मठवस्ती येथील घरी चोरी झाल्याचे त्यांना सकाळी समजले कॅन्सरने आजारी असलेल्या आईच्या उपचारासाठी ठेवलेले १ लाख ७२ हजार रुपये, १ हजार रुपये किमतीचे नाकातील गुंड,
१० हजार रुपये किमतीचे सोन्याचे मंगळसूत्र असा १ लाख ८३ हजार रुपयांचा ऐवज चोरट्यांनी घराचे कुलूप तोडून लंपास केला.
याबाबतची फिर्याद शमा शेख यांनी तालुका पोलिसांत दिली आहे. यानंतर पोलिसांनी घटनास्थळी भेट दिली. आजूबाजूला चौकशी केली.
यावेळी हा गुन्हा माहितीतील व्यक्तीनेच केला असल्याचे प्रथमदर्शनी
निष्पन्न झाले. त्यामुळे फिर्यादीच्या भावाचा मुलगा सादिक मुबारक शेख (वय १९ , रा.मठवस्ती, कासेगाव ) यास विश्वासात घेऊन त्याच्याकडे तपास केला असता त्याने एका मित्राच्या सहाय्याने चोरी केल्याचे सांगत गुन्ह्याची कबुली दिली.
पोलिसांनी त्या दोघांना अटक करून त्यांच्याकडून १०० टक्के मुद्देमाल हस्तगत केला. ‘त्या’ दोघांना अटक करून न्यायालयात हजर केले असता न्यायालयाने दोघांना तीन दिवस पोलीस कोठडी सुनावली आहे.
ही कामगिरी पोलीस अधीक्षक तेजस्वी सातपुते, पंढरपूर विभागाचे उपविभागीय पोलीस अधिकारी विक्रम कदम यांच्या मार्गदर्शनाखाली पोलीस निरीक्षक मिलिंद पाटील, सपोनि शंकरराव ओलेक, सपोनि खरात, पोलीस हवालदार वाडदेकर, पोलीस शिपाई सागर गवळी यांनी केली.
…म्हणून स्वतःचेही घर फोडले
शमा सलीम शेख व त्यांचा भाऊ कासेगाव येथे त्यांच्या धार्मिक कार्यक्रमाकरिता गेले होते.
यानंतर सादिक मुबारक शेख (वय १९ , रा . मठवस्ती , कासेगाव ) व आकाश प्रकाश जाधव (वय २२ , रा . भीमनगर , कासेगाव) यांनी घर फोडून त्यांच्या घरातील रोख रक्कम एक लाख ७२ हजार व ११ हजार रुपयांचे सोन्याचे दागिने असे चोरून नेले व त्यांनी केलेली चोरी पचवली म्हणून स्वतःचेदेखील घर फोडले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
