मंगळवेढा टाईम्स न्युज नेटवर्क।
सोलापूर जिल्ह्याच्या प्रशासकीय पुनर्रचनेच्या दिशेने एक अत्यंत महत्त्वाचे पाऊल पडले आहे. पंढरपूर येथे अपर जिल्हाधिकारी कार्यालय स्थापन करण्याच्या प्रस्तावाला आता प्रत्यक्ष गती मिळाली आहे.
विधान परिषद निवडणुकीच्या आचारसंहितेमुळे जी प्रक्रिया तात्पुरती स्थगित करण्यात आली होती, ती आता पुन्हा तातडीने सुरू करण्याचे आदेश महसूल व वनविभागाने दिले आहेत.
१५ दिवसांत हरकती व सूचना नोंदवण्याचे आवाहन
शासनाच्या नवीन निर्देशानुसार, आजपासून १५ दिवसांची जाहीर सूचना प्रसिद्ध करण्यात येत आहे. या प्रस्तावित कार्यालयाबाबत नागरिकांना आपल्या हरकती आणि सूचना मांडण्याची संधी दिली असून, संबंधित अधिकाऱ्यांनी यावर तातडीने कार्यवाही करण्याचे आदेश देण्यात आले आहेत.
‘या‘ ७ तालुक्यांचा असणार समावेश
महसूल विभागाचे सहसचिव अजित देशमुख यांनी जारी केलेल्या अधिकृत आदेशानुसार, पंढरपूर येथील अपर जिल्हाधिकारी कार्यालयाच्या कार्यक्षेत्रात खालील सात महत्त्वाच्या तालुक्यांचा समावेश केला जाणार आहे:
यामध्ये पंढरपूर, माळशिरस, माढा, करमाळा, सांगोला, मोहोळ, मंगळवेढा या तालुक्यांचा समावेश आहे.
काय होणार फायदा?
या सातही तालुक्यांतील नागरिकांना आता छोट्या-मोठ्या प्रशासकीय कामांसाठी थेट सोलापूर जिल्हा मुख्यालय गाठण्याची गरज पडणार नाही.
पंढरपूर येथेच हे कार्यालय सुरू झाल्याने वेळ, पैसा आणि श्रम यांची मोठी बचत होणार असून, प्रशासकीय कामांना वेग येणार आहे.
सोलापूर ग्रामीण भागातील जनतेचे हक्काचे प्रशासकीय केंद्र आता पंढरपुरात आकारास येत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
