टीम मंगळवेढा टाईम्स ।
उपसरपंच निवड बैठकीच्या बंदोबस्तासाठी आलेल्या पोलिसाने ग्रामपंचायतीत प्रवेश न दिल्याने एकाने हुज्जत घालत सरकारी कामात अडथळा आणला.
मंगळवारी (दि.११) दुपारी एकच्या सुमारास तळसंगी येथे ही घटना घडली. याप्रकरणी विजय विठ्ठल जगताप (वय ४३ रा.मरवडे) याच्याविरुद्ध येथील पोलिसांत गुन्हा दाखल केला आहे.
उपसरपंच निवड बैठकीच्या बंदोबस्ताला यातील फिर्यादी पोलिस कॉन्स्टेबल सचिन दरदरे हे ग्रामपंचायतीसमोर थांबले होते.
तेव्हा घरकुलासाठी जागा मिळावी म्हणून ग्रामसेवकाला भेटण्यासाठी संशयित हा ग्रामपंचायत कार्यालयात जात होता. त्यास दरदरे यांनी अडविले., तसेच सदस्यांशिवाय कोणाला प्रवेश नसल्याचे सांगितले.
तेव्हा पोलिस पाटील महेश पवार यांनी कार्यालयात नेऊन सरपंच, ग्रामसेवक यांच्याशी दहा मिनिटांत चर्चा घडवून आणली.
मात्र समाधान न झाल्याने तो जागा देत नसल्याबद्दल आरडाओरड करीत तेथून बाहेर पडला. थोड्या वेळाने पुन्हा कार्यालयात घुसण्याचा प्रयत्न केल्याने पोलिसाने अडविले.
त्यावर त्याने प्लास्टिक बाटलीत पेट्रोल आणून अंगावर ओतून पेटवून घेण्याचा प्रयत्न केला. ग्रामपंचायत कार्यालयात न सोडल्यास आत्महत्या करण्याची धमकी दिली.
तसेच दरदरे यांनाही दमदाटी केली. यावेळी धक्काबुक्कीत हेडकॉन्स्टेबल कोळी किरकोळ जखमी झाले. सहाय्यक पोलिस निरीक्षक बापूसाहेब पिंगळे तपास करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज