टीम मंगळवेढा टाईम्स |
बेंदूर सणाच्या निमित्ताने मंगळवेढा तालुक्यातील पडोळकरवाडी येथे जिल्हाधिकाऱ्यांच्या बंदी आदेशाची उघडपणे पायमल्ली करण्यात आली. कोणतीही अधिकृत परवानगी न घेता विनापरवाना जाहीर कार्यक्रमाचे आयोजन करून महिला कलाकारांकडून अश्लील नृत्य सादर केल्याप्रकरणी मंगळवेढा पोलिसांनी सात जणांविरुद्ध गुन्हा दाखल केला आहे.
या धडक कारवाईमुळे तालुक्यात अवैध आणि अश्लील मनोरंजनाचे कार्यक्रम करणाऱ्यांचे धाबे दणाणले आहेत. याबाबत पोलीस कॉन्स्टेबल अजयसिंह हणमंत शिंदे यांनी मंगळवेढा पोलीस ठाण्यात फिर्याद दिली आहे.
गाण्यावर महिला कलाकारांना असभ्य नृत्य करण्यास लावल्या प्रकरणी दिलीप झंजे, सुनिल कोळेकर, नवनाथ बुरुंगले, दत्ता बुरुंगले, राहुल सोनलकर, तेजीराम वाघमोडे, बिरा झंजे या सात जणाविरुध्द बंदी आदेशाचा भंग केल्याप्रकरणी गुन्हा दाखल करण्यात आला आहे.
पोलीस सुत्रांनी दिलेली माहिती अशी, पडोळकरवाडी येथे दि.२९ रोजी रात्री ७ वाजता गावातून मिरवणूक सुरु असून यामध्ये साऊंडसिस्टीम लावून महिला कलाकारांना गाण्यावर असभ्य नृत्य करण्यास लावले जात असल्याचा एक निनावी फोन पोलीस निरीक्षक दत्तात्रय बोरीगिड्डे यांना प्राप्त होताच
त्यांनी फिर्यादी पोलीस अंमलदार अजयसिंह शिंदे, महिला पोलीस हवालदार वंदना अहिरे (घोडके), पोलीस हवालदार अंमलदार पलुसकर, पोलीस कारंडे यांना सदर ठिकाणी प्रत्यक्ष पाठवून पाहणी
केली असता पोलीसांना पाहून ते सर्व निघून जात असल्याचे निदर्शनास येताच पोलीसांनी सखोल चौकशी करुन वरील सात जणाविरुध्द गुन्हा दाखल केला आहे.
दरम्यान यामध्ये सदर कार्यक्रमाचे आयोजन विना परवाना केल्याचे व जमावबंदी आदेश असतानाही त्यांनी पाच कार्यक्रम आयोजन करुन सहा साऊंड सिस्टीम भाड्याने बोलावून घेवून ट्रॅक्टरवर लाऊन महिला कलाकाराकडून असभ्य नृत्य करुन घेतल्याचे
पोलीसांच्या चौकशीत उघड झाल्याने बी.एन. एस. २२३ (अ) मुंबई पोलीस कायदा कलम ११०/११७, १३५,३३ (१) प्रमाणे पोलीस अंमलदार अजयसिंह शिंदे यांनी फिर्याद दाखल केली आहे. याचा अधिक तपास पोलीस हवालदार कोष्टी हे करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
