टीम मंगळवेढा टाईम्स (प्रतिनिधी)
मंगळवेढा तालुक्यातील महमदाबाद (शे) येथील बहुचर्चित ॲट्रॉसिटी प्रकरणात एक मोठी बातमी समोर आली आहे. राजकीय सूडबुद्धीने व खोट्या आरोपाखाली गोवण्यात आलेले
दैनिक पुण्यनगरीचे पत्रकार दत्तात्रय नवत्रे व ग्रामसेवक बसवेश्वर एस. पाटील यांची पुराव्याअभावी या गुन्ह्यातून न्यायालयातून निर्दोष मुक्तता करण्यात आली आहे. कलम १६९ अन्वये पोलिसांनी सादर केलेला अहवाल मा. जिल्हा न्यायालयाने मान्य करत दोघांची नावे या केसमधून वगळण्याचे आदेश दिले आहेत.
नेमके काय आहे प्रकरण?
४ सप्टेंबर २०२१ रोजी महमदाबाद (शे) येथे ग्रामपंचायतीच्या जागेवरील अतिक्रमण काढण्याच्या कारणावरून शेतात येऊन पोल रोवणे व जातिवाचक शिवीगाळ केल्याची तक्रार गावातील एका इसमाने मंगळवेढा पोलिसांत नोंदवली होती. या फिर्यादीत एकूण आठ जणांवर गुन्हा दाखल करण्यात आला होता.
घटना घडली त्या दिवशी पत्रकार दत्तात्रय नवत्रे व ग्रामसेवक बी. एस. पाटील हे गावात किंवा घटनास्थळी उपस्थितही नव्हते. तरीही गावातील राजकीय वैमनस्यातून व प्रतिष्ठा हनन करण्याच्या हेतूने त्यांची नावे या गुन्ह्यात टाकण्यात आली होती.
पारदर्शी तपास आणि मोबाईल लोकेशन ठरले महत्त्वाचे!
तत्कालीन उपविभागीय पोलीस अधिकारी राजश्री पाटील यांनी या प्रकरणाचा अत्यंत निष्पक्ष व कसून तपास केला. तपासादरम्यान:
पोलिसांनी संशयितांच्या मोबाईलचे लोकेशन तपासले.
दोघे ज्या ठिकाणी प्रत्यक्ष उपस्थित होते, तेथील नागरिकांचे जबाब नोंदवून घेतले. तपासात पत्रकार नवत्रे व ग्रामसेवक पाटील यांचा या घटनेशी कोणताही संबंध असल्याचा पुरावा आढळून आला नाही.
ॲड. पांडुरंग चवरे यांचा युक्तिवाद ठरला प्रभावी
आरोपींच्या बाजूने ॲडव्होकेट पांडुरंग चवरे यांनी काम पाहिले. दोषारोपपत्रातील सर्व तांत्रिक व कायदेशीर मुद्दे त्यांनी मा. जिल्हा न्यायालयासमोर मांडले.
पोलीस तपासातील निष्पक्षता आणि ॲड. चवरे यांनी केलेला प्रभावी युक्तिवाद ग्राह्य धरून मा. न्यायमूर्तींनी कलम १६९ च्या अहवालानुसार दत्तात्रय नवत्रे आणि बसवेश्वर पाटील यांची या गुन्ह्यातून सन्मानपूर्वक मुक्तता केली.
सत्य परेशान हो सकता है, पराजित नही
”मी गावात उपस्थित नसताना केवळ माझी सामाजिक प्रतिष्ठा खराब करण्यासाठी आणि गावच्या राजकारणातून मला या गुन्ह्यात अडकवण्यात आले होते. अतिक्रमण प्रकरणात मूळ सदस्यांऐवजी त्यांच्या नातेवाईकांवर गुन्हे दाखल करून केस रंगवली गेली.
न केलेल्या गुन्ह्यासाठी मला महिनाभर जेल भोगावी लागली, आर्थिक व मानसिक त्रास सहन करावा लागला. पण पोलीस यंत्रणा आणि न्यायव्यवस्थेने सत्याचा विजय घडवून आणला. ‘सत्य परेशान हो सकता है, पराजित नही’ याचा प्रत्यय आज पुन्हा एकदा आला.” — दत्तात्रय नवत्रे (पत्रकार, मंगळवेढा)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
