टीम मंगळवेढा टाईम्स ।
सोमवारी भरणाऱ्या मंगळवेढ्याच्या प्रसिद्ध आठवडा बाजारात खरेदीसाठी होणारी प्रचंड गर्दी आणि त्यामुळे उद्भवणारी वाहतूक कोंडी लक्षात घेऊन मंगळवेढा नगरपालिकेने एक अत्यंत महत्त्वाचा आणि धाडसी निर्णय घेतला आहे.
बाजाराच्या दिवशी भाजीपाला व फळविक्रेत्यांच्या निश्चित केलेल्या जागेत वाहने घुसल्यामुळे होणारे लहान-मोठे अपघात आणि गर्दीचा फायदा घेऊन होणाऱ्या चोऱ्या रोखण्यासाठी आता सोमवारी सकाळी ७ ते सायंकाळी ७ वाजेपर्यंत बाजार परिसरात सर्व प्रकारच्या वाहनांना पूर्णपणे प्रवेश बंदी करण्यात आली आहे.
या संदर्भात नागरिकांनी व वाहनधारकांनी सहकार्य करावे, असे आवाहन नगराध्यक्षा सौ. सुनंदा आवताडे व उपनगराध्यक्ष प्रा. येताळा भगत यांनी केले आहे.
येथे असेल ‘नो एन्ट्री’
सोमवारी सकाळी ७ ते संध्याकाळी ७ या वेळेत खालील मार्गांवरून बाजारात येण्यास वाहनांना सक्त मनाई असेल:
स्व. प्रल्हाद शिंदे प्रवेशद्वार
नगरपालिका शाळा नं. १ चे प्रवेशद्वार
‘या’ वाहनांवर असेल बंदी
मोटरसायकल, रिक्षा, चारचाकी छोटा हत्ती, टमटम, पिकअप, टेम्पो यांसह सर्व प्रकारच्या लहान-मोठ्या वाहनांना बाजार वेळेत आत येण्यास बंदी घालण्यात आली आहे.
पार्किंगची व्यवस्था कुठे?
बाजारपेठेत येणाऱ्या ग्राहक आणि वाहनधारकांची गैरसोय होऊ नये म्हणून नगरपालिकेने पार्किंगसाठी स्वतंत्र जागा निश्चित केली आहे.
वाहनधारकांनी आपली वाहने खालील ठिकाणी पार्क करावीत
१. श्री छत्रपती शिवाजी महाराज कंपाउंडच्या बाहेर
२. नगरपालिका शाळा नं. १ चे आवार
”हा निर्णय केवळ आणि केवळ मंगळवेढेकरांच्या सुरक्षेसाठी आणि सोयीसाठी घेण्यात आला आहे.
बाजार परिसरात शांतता व सुव्यवस्था राखण्यासाठी नागरिकांनी आपल्याच सेवेसाठी तैनात असलेल्या पालिकेच्या अधिकारी व कर्मचाऱ्यांना सन्मानपूर्वक सहकार्य करावे.-सौ. सुनंदा आवताडे (नगराध्यक्षा) मंगळवेढा नगरपालिका.
सोमवारचा बाजार आता होणार सुरक्षित आणि कोंडीमुक्त! चला, एक जबाबदार नागरिक म्हणून नगरपालिकेच्या या मोहिमेला साथ देऊया.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
