टीम मंगळवेढा टाईम्स ।
शिवसेना नेते आणि राज्याचे आरोग्य मंत्री तानाजी सावंत यांनी ठाकरे गटाचे प्रमुख उद्धव ठाकरे यांच्यावर सडकून टीका केली आहे. यावेळी त्यांनी मोठा गौप्यस्फोटही केला आहे.
खासदार ओमराजे निंबाळकर यांना खासदारकीचं तिकीट द्यावं यासाठी मी ठाकरे गटाचे प्रमुख उद्धव ठाकरे यांना 10 कोटींचा चेक दिला होता, असा मोठा गौप्यस्फोट राज्याचे आरोग्यमंत्री तानाजी सावंत यांनी केला आहे. उद्धव ठाकरेंना मी 10 कोटींचा चेक दिला होता, असं तानाजी सावंत यांनी म्हटलं आहे.
यावेळी त्यांनी ओमराजे निंबाळकर यांच्यावरही सडकून टीका केली. “ठेकेदारी, अधिकारी यांना शिव्या देणे, नंतर एकाने शिव्या द्यायच्या आणि दुसऱ्याने तोडपाणी करायची हा धंदा आहे, अशी टीका तानाजी सावंत यांनी केली.
यावेळी सावंत यांनी ओमराजे निंबाळकर यांचा बेरोजगार खासदार असा उल्लेख केला.तू आता कोणत्या बापाला समोर घेऊन आला तरी पराभव करू”, अशी शपथ तानाजी सावंत यांनी घेतली.
तानाजी सावंत नेमकं काय म्हणाले?
“ज्या तानाजी सावंतने तुझं तिकीट, तू तिथे खमका म्हणून उभा राहिला, त्या उद्धव ठाकरेला, पक्षाला 10 कोटींचा चेकने निधी दिला. तुझ्यावरती कोट्यवधी रुपयांचा खर्च केला. तुला निवडून आणलं, तुला बापाची माया दिली आणि बापाची माया दिल्यानंतर लगेच बाप बदलला.
असं कसं चालतं? तुम्हाला मान्य आहे का? आपल्या पोराने तू माझा बाप नाही ह्यो आपला बाप आहे, असं म्हटलं तर आवडेल का?”, असा सवाल तानाजी सावंत यांनी केला.
“मी अयोग्य मंत्री म्हणून तुम्हाला त्यावेळेस वाटत होतो तर मग महाराष्ट्राच्या जनतेने त्यावेळेस तुम्हाला एवढे आमदार देऊन चूक केली. त्यावेळेचे 2019 ते 2022 पर्यंत तुमची मुर्खमंत्री म्हणून नेमणूक केली.
मी अयोग्य मंत्री असेल तर 2019 ते 2022 चुकून बोललो मी मुर्ख मंत्री. कदाचित हेच असू शकतं”, अशी खोचक टीका तानाजी सावंत यांनी केली.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
