टीम मंगळवेढा टाईम्स ।
अलीकडच्या काळात अनेक अवैद्य धंदे राजेरोसपणे सुरु असल्याने तरुणाई याला बळी पडत आहे. दिवसेंदिवस या धंद्यात वाढू होत असल्यामुळे नागरिकांमधून नाराजीचा सूर उमटत आहे तसेच यावर पोलिसांनी वचक बसवावी अशी मागणी देखील सतत होत राहते.
मंगळवेढा शहरात व तालुक्यात दिवसेंदिवस जुगार अड्डे जोमात सुरू असल्याचे दिसतात. शहरात तसेच शहराबाहेरही जुगार अड्डे वाढत आहेत.
या अवैध व्यवसायाला खाकी वर्दीचा कोणतीही धाक नसल्याने एकप्रकारे पाठबळ मिळत आहे. यामुळेच शहरात व ग्रामीण भागात सतत गुन्हेगारीचे प्रमाण वाढत असल्याने सर्वसामान्य नागरिकांतून चिंता व्यक्त केली जात आहे.
मंगळवेढा तालुक्यातील लक्ष्मीदहीवडी येथे पोलिसांनी बसस्टॅंडजवळील पडक्या घरावर छापा टाकत जुगार खेळणाऱ्या आठ जणांना रंगेहात पकडले.
या कारवाईत ₹5,150/- रोख रक्कम आणि जुगार साहित्य जप्त करण्यात आले. फिर्यादी पोलीस शिपाई सिध्दनाथ अर्जुन शिंदे यांच्या पथकाने ही कारवाई केली.
अटक आरोपींत हरी पंडा शिंगाडे, अविनाश माने, कल्लप्पा वेळापुरे, विलास सोनवले, शिवाजी सरगर, कुमार पाटील, संतोष कोळेकर (सर्व रा. लक्ष्मीदहीवडी) व भारत सोनवले (रा. महमदाबाद शेटपळ) यांचा समावेश आहे.
सर्व आरोपींवर महाराष्ट्र जुगार प्रतिबंधक अधिनियम कलम 4 व 5 अंतर्गत गुन्हा दाखल करण्यात आला असून पुढील तपास पोहेकाँ हाके हे करीत आहेत.
दरम्यान, मंगळवेढा शहरालगत असलेल्या काही हॉटेल मध्ये तसेच ग्रामीण भागातील काही ठिकाणी कोणाच्या परवानगीने खुलेआम जुगार अड्डे सुरू आहेत याची माहिती सामाजिक कार्यकर्ते पोलीस अधीक्षक यांना लेखी निवेदनाद्वारे विचारणार असल्याचे बोलले जात आहे.
मंगळवेढा, पंढरपूर, कागल, कळमनुरीसह 68 नगरपरिषदा खुला महिला प्रवर्गासाठी राखीव
राज्यातील आगामी स्थानिक स्वराज्य संस्थांच्या निवडणुकीच्या पार्श्वभूमीवर काल सोमवारी मुंबईत 247 नगरपालिका आणि 147 नगरपंचायतींमधील नगराध्यक्षपदाच्या आरक्षणाची सोडत जाहीर करण्यात आली.
नगराध्यक्षपद कोणत्या प्रवर्गासाठी राखीव असणार, यावर स्थानिक पातळीवरील राजकीय समीकरणे ठरत असतात. त्यामुळे आजच्या नगराध्यक्षपदाच्या आरक्षण सोडतीकडे राजकीय वर्तुळाच्या नजरा लागल्या होत्या.
आतापर्यंत जाहीर झालेल्या सोडतीनुसार, 16 नगरपरिषदांमध्ये नगराध्यक्षपद अनुसूचित जातीच्या महिलांसाठी राखीव असेल. तर 34 नगरपरिषदांमध्ये नगराध्यक्षपद हे ओबीसी महिलांसाठी आणि 67 नगरपरिषदांधील नगराध्यक्षपद हे खुल्या प्रवर्गाच्या महिलांसाठी राखीव असेल.
खुल्या प्रवर्गासाठी नगराध्यक्षपद आरक्षित असलेल्या नगरपरिषदांमध्ये गंगाखेड, बार्शी, अंबड, उरण, बुलढाणा, कळमनुरी या नगरपरिषदांचा समावेश आहे.
68 नगरपरिषदा खुल्या प्रवर्गातील महिलांसाठी राखीव–
परळी वैजनाथ- मुखेड- अंबरनाथ- अचलपूर- मुदखेड- पवनी- कन्नड- मलकापूर-कोल्हापूर- मोवाड- पंढरपूर- खामगाव- गंगाखेड- धरणगाव- बार्शी- अंबड- गेवराई- म्हसवड- गडचिरोली- भंडारा- उरण- बुलढाणा- पैठण- कारंजा- नांदूरा- सावनेर-
मंगळवेढा- कलमनूरी- आर्वी- किनवट – कागल- संगमनेर- मुरगुड- साकोली- कुरुंदवाड- पूर्णा- कळंब- चांदूररेल्वे- चांदूरबाजार- भूम- रत्नागिरी-
रहिमतपूर- खेड- करमाळा- वसमत- हिंगणघाट- रावेर- जामनेर- पलुस- यावल- सावंतवाडी- जव्हार – तासगाव- राजापूर- सिंदीरेल्वे-
जामखेड- चाकण- शेवगाव- लोणार- हदगाव- पन्हाळा- धर्माबाद- उमरखेड- मानवत- पाचोरा-
पेण- फैजपूर- उदगीर- अलिबाग.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
