​दारू प्याल तर १० हजारांचा भुर्दंड; ग्रामसभेत ग्रामस्थांचा एकमताने ऐतिहासिक ठराव; सोलापूर जिल्ह्यातील ‘या’ गावाचा धाडसी निर्णय; गावात दारूबंदीसाठी कडक नियमावली लागू

​टीम मंगळवेढा टाईम्स (विशेष प्रतिनिधी):

दारूच्या व्यसनामुळे उद्ध्वस्त होणारे संसार वाचवण्यासाठी आणि गावाच्या आरोग्यासह शांतता टिकवण्यासाठी दर्गणहळ्ळी (ता. दक्षिण सोलापूर) येथील ग्रामस्थांनी एक मोठा आणि ऐतिहासिक निर्णय घेतला आहे. गावात दारू पिणाऱ्यास तब्बल १० हजार रुपयांचा दंड आणि वर्षभरासाठी ग्रामपंचायतीच्या सोयी-सुविधांपासून वंचित ठेवण्याचा धाडसी ठराव दर्गणहळ्ळीच्या ग्रामसभेत एकमताने मंजूर करण्यात आला आहे.

​’नशामुक्त युवा फॉर विकसित भारत‘ अंतर्गत पुढाकार

पंतप्रधान नरेंद्र मोदी यांच्या ‘नशामुक्त युवा फॉर विकसित भारत’ या अभियानातून प्रेरणा घेत भाजप युवा मोर्चाचे जिल्हाध्यक्ष महेश बिराजदार यांनी या संपूर्ण दारूबंदीचा प्रस्ताव ग्रामसभेत मांडला.

“दारूमुळे कुटुंबातील आनंद हिरावला जातो, आरोग्य ढासळते आणि संसार उद्ध्वस्त होतात. ही परिस्थिती रोखायची असेल तर दारूबंदी हाच एकमेव प्रभावी पर्याय आहे,” असे मत महेश बिराजदार यांनी मांडले. त्यांच्या या प्रस्तावाला संपूर्ण ग्रामस्थांनी एकमुखाने पाठिंबा दिला.

​नियमांचे उल्लंघन केल्यास थेट बहिष्कार आणि ‘हे‘ कडक नियम:

​१० हजार रुपये दंड: गावात कोणताही नागरिक दारू पिताना आढळल्यास त्याला थेट १० हजारांचा आर्थिक दंड ठोठावला जाईल.

​ग्रामपंचायतीच्या सुविधा बंद: दोषी व्यक्तीला दाखले (दाखले/प्रमाणपत्रे), शासकीय योजनांचे लाभ आणि पाणीपुरवठा यांसारख्या ग्रामपंचायतीच्या सर्व भौतिक सुविधांपासून वर्षभरासाठी वंचित ठेवले जाईल.

​दारू विक्रेत्यांवरही कारवाई: दारूची विक्री करणारा आणि त्याला मदत करणारा, दोघेही तितकेच दोषी मानले जातील आणि त्यांच्यावरही कडक कारवाई होईल.

​जामीनदारावर सामाजिक बहिष्कार: दारू पिऊन गुन्हा करणाऱ्या व्यक्तीला जामीन देणाऱ्यावरही गावात बहिष्कार टाकण्याचा निर्धार ग्रामस्थांनी केला आहे.

​दर्गणहळ्ळी ग्रामपंचायतीने घेतलेल्या या आक्रमक आणि कौतुकास्पद निर्णयाचे संपूर्ण सोलापूर जिल्ह्यातून जोरदार स्वागत केले जात आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज