टीम मंगळवेढा टाईम्स ।
उपप्रादेशिक परिवहन कार्यालय सध्या तब्बल दीड हजार वाहनांचा शोध घेत आहे. जिल्ह्यातील दीड हजार वाहनांकडे तब्बल 15 कोटींचा कर थकीत असल्याने ही वाहने सध्या आरटीओच्या रडारकर आहेत.
दोन वायू पथकांची नियुक्ती करण्यात आली असून, त्याद्वारे संबंधित वाहनांवर दिसेल तिथे कारवाई करण्यात येणार आहे.
सोलापूर उपप्रादेशिक परिवहन कार्यालयाचा कर थकविणारी दीड हजार वाहने ब्लॅक लिस्टमध्ये टाकण्यात आली आहेत.
यापूर्वी कर थकविणाऱया वाहनांची माहिती उपप्रादेशिक परिवहन कार्यालयास सहजासहजी मिळत नव्हती.
परंतु, अलीकडील काळात उपप्रादेशिक परिवहन कार्यालयातील कामकाज ऑनलाइन झाले आहे. त्यामुळे कर थकविणाऱया वाहनांची माहिती तत्काळ समोर येत आहे. त्यातून अशी वाहने ब्लॅक लिस्ट केली जात आहेत.
कर थकविलेल्या वाहनधारकांकडून महिना दोन टक्के यानुसार वर्षाला 24 टक्के कर आकारला जातो. वर्षानुवर्षे कर थकत असल्याने
थकबाकीकराचा आकडा वाढतच चालला आहे. कर थकविलेली वाहने देशभरात कुठेही असली तरी त्यांच्याकर कारवाई करण्यात येते.
सोलापूर उपप्रादेशिक परिवहन कार्यालयातील अधिकाऱयांनी सांगितले की, सोलापूर जिल्ह्यातील वाहनमालकांकडे 15 कोटी रुपये वाहनावर थकलेला आहे. या थकबाकीदारांचा शोध सुरू आहे.
अशी वाहन कुठेही तपासणीत आढळली तर जप्त करण्यात येत आहेत. त्यामुळे थकबाकीदार वाहनमालकांनी त्वरित कर भरून सहकार्य करावे.
सोलापूर उपप्रादेशिक परिवहन कार्यालयास यंदाच्या आर्थिक वर्षात 186 कोटी रुपयांचा महसूल गोळा करण्याचे लक्ष्य देण्यात आले आहे. त्यामुळे ज्या वाहनांवर थकीत कर आहे,
अशा वाहनांचा तपास घेऊन त्यांच्याकडील थकीत रक्कम कसूल केली जाणार असल्याचे आरटीओ कार्यालयातील वरिष्ठ अधिकाऱयांनी सांगितले.
सोलापूर जिल्ह्यात जवळपास 15 कोटींचा थकीत कर थकला आहे. कर थकविणाऱया वाहनांचा शोध घेऊन त्यांच्यावर कारवाई करण्याचे काम सुरू आहे.
त्याचबरोबर वाहन जप्त करण्याच्या सूचनादेखील देण्यात आल्या असल्याचे सोलापूर उपप्रादेशिक परिवहन अधिकारी अर्चना गायकवाड यांनी सांगितले.(स्रोत:सामना)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज