मंगळवेढा टाईम्स न्युज नेटवर्किंग ।
केंद्र सरकार तेलबिया उत्पादन वाढीला प्रोत्साहन देण्यासाठी सोयाबीनचे बियाणे मोफत देत आहे. मोफत बियाणांतून पेरणी क्षेत्र वाढले तर आपोआप शेतकऱ्यांना फायदा होईल. मोफत बियाणांसाठी शेतकऱ्यांना ऑनलाइन नोंदणी तर करावीच लागणार आहे, मात्र जमिनीचे माती परीक्षण अहवाल त्यांना द्यावा लागणार आहे.
शासनाचा उद्देश केवळ बियाणे, खते मोघमपणे शेतीला वापरण्याऐवजी जमिनीत काय आहे अन् काय कमी आहे हे समजले पाहिजे हा आहे. यामुळे जमिनीला काय आवश्यक आहे त्याप्रमाणे आवश्यक खते टाकता येतात.
कडधान्य आत्मनिर्भरता अभियान व राष्ट्रीय खाद्यतेल अभियानांतर्गत शेतकऱ्यांना सोयाबीनचे मोफत वाटप करण्यात येत आहे.
बियाण्यासाठी शेतकऱ्यांकडून वैयक्तिक व शेतकरी गटामार्फत महाडीबीटीवर अर्ज करणे आवश्यक आहे.
अशा प्रकारचा अर्ज केला असेल व महाडीबीटीकडून शेतकऱ्यांचे नाव आले तरच सोयाबीन बियाणे मोफत मिळणार आहे.
केंद्र सरकार कडधान्य वाढीसाठी दरवर्षीच मोफत बियाणे, खते व कीटकनाशक मोफत देण्याचा कार्यक्रम राबविते. शेतकऱ्यांच्या अर्जानुसार बियाणे मोफत मिळतातही, मात्र माती परीक्षण गरजेचे आहे.
१,१६१ शेतकऱ्यांची निवड
जिल्ह्यातील पाच तालुक्यांत सोयाबीन बियाणे मोफत वाटप करायचे आहेत. त्यासाठी महाडीबीटीवर १४ हजार ८९६ अर्ज आले आहेत. त्यातील १,१६१ शेतकऱ्यांची मोफत बियाण्यांसाठी निवड झाली आहे. या शेतकऱ्यांना ७४४ क्विंटल बियाणे वाटप होणार आहेत.
राष्ट्रीय खाद्यतेल अभियानाअंतर्गत
सोयाबीन बियाणे मोफत दिले जात आहे. अधिक उत्पादन मिळावे यासाठी माती परीक्षण करून योग्य ते जमिनीत टाकायचे आहे. सोलापूर जिल्ह्यातील शेतकऱ्यांना अधिक उत्पादन घेण्यासाठी काय करावे लागते याची माहिती कृषी विभाग देत आहे.- शुक्राचार्य भोसले, अधीक्षक जिल्हा कृषी अधिकारी
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
