मंगळवेढा टाईम्स न्युज नेटवर्क।
मंगळवेढा ते विजयपूर मार्गावरील मरवडे येथील शिवाजी चौकात उजनी कॅनॉलचे पाणी शेतीसाठी मिळावे या मागणीकरिता बेकायदा जमाव जमवून रास्तारोको आंदोलन करुन
येणाऱ्या जाणाऱ्या वाहनांची अडवणूक करुन जिल्हाधिकारी यांचे जमाव बंदी आदेशाचा भंग केल्या प्रकरणी मंगळवेढा पोलीसात बारा लोकांवरती गुन्हा दाखल झाला आहे.
पोलीस सुत्रांनी दिलेली माहिती अशी, दि.२५ एप्रिल रोजी पोलीस ठाणे येथील गोपनीय कक्षातील अंमलदार, पोलीस हवालदार दिगंबर गेजगे यांना माहिती मिळाली की, मरवडे येथील शिवाजी चौकात काही शेतकरी उजनी कॅनॉलचे पाणी शेतीसाठी मिळावे
यासाठी रोडवर बसून रास्तारोको आंदोलन करण्याच्या तयारीत असल्याबाबतची माहिती मिळताच एम.एच.१३ बी.क्यू ०१५५ या शासकीय वाहनातून पोलीस उपनिरीक्षक पिसे, पोलीस हवालदार नवले सदर घटनास्थळी गेले असता रोडवर दि.२५ रोजी
आंदोलनकर्ते अॅड. नंदकुमार भागवत पवार, माणिक नामदेव पवार, संतोष शिवाजी पवार, धन्यकुमार तुकाराम पाटील,बालाजी गणपत पवार,रजाक पैगंबर मुजावर, सर्जेराव गणपाटील, सोपान तात्या फटे, वैभव महादेव पवार,
सचिन बंसीलाल घुले (सर्व रा.मरवडे), राहुल दामोदर घुले (मंगळवेढा), पप्पू काकेकर (कागष्ट) व अन्य पाच ते सात लोकांनी उजनीचे पाणी कॅनॉल मध्ये सोडावे
या मागणीकरिता पोलीस स्टेशनला कोणतीही पुर्वसुचना व लेखी निवेदन न देता रास्तारोको आंदोलन करुन येणाऱ्या जाणाऱ्या वाहनांची अडवणूक करुन बेकायदा जमाव जमवून आंदोलन केले.
तसेच जिल्हाधिकारी यांच्या जमावबंदीच्या आदेशाचा भंग केला म्हणून पोलीस हवालदार सर्जेराव वाघमोडे यांनी सदर व्यक्ती विरुध्द गुन्हा दाखल केला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
