टीम मंगळवेढा टाईम्स ।
लग्नासाठी मुलगी शोधत असाल तर सावधान! मंगळवेढा तालुक्यात लग्नाच्या नावाखाली फसवणूक करणाऱ्या एका टोळीचा पर्दाफाश झाला आहे.
एका तरुणाला लग्नाचे आमिष दाखवून तब्बल २ लाख ७० हजार रुपयांना लुटल्याचा धक्कादायक प्रकार समोर आला असून, पळून जाण्याच्या बेतात असलेल्या नववधूला आणि महिला एजंटला ग्रामस्थांच्या सतर्कतेमुळे लेंडवे चिंचाळे येथे पकडण्यात आले आहे.
नेमकी घटना काय?
लेंडवे चिंचाळे येथील विकास आवताडे हे लग्नासाठी मुलगी शोधत असताना त्यांची ओळख सुरेखा सूर्यवंशी नावाच्या एका महिला एजंटशी झाली.
संबंधित मुलगी ही ‘मराठा’ समाजातील असल्याचे सांगून आणि ती परप्रांतीय असल्याची माहिती लपवून हा विवाह ठरवण्यात आला. या बदल्यात एजंटने २ लाख ५० हजार रुपये रोख आणि २० हजार रुपये ऑनलाइन स्वरूपात घेतले.
असा झाला बनाव…
१६ एप्रिल: उदगीर येथे मुलगी दाखवण्यात आली.
विवाह सोहळा: लातूर-उदगीर मार्गावरील एका मंदिरात पद्धतीने लग्न पार पडले, त्यानंतर गावात पारंपरिक विधीही झाले. २३ एप्रिल: संशयास्पद हालचाली करत नववधूने चारचाकी वाहनातून पळून जाण्याचा प्रयत्न केला.
अन् ‘तिचा‘ पर्दाफाश झाला
संबंधित महिला पळून जात असल्याची माहिती मिळताच नातेवाईकांनी तिचा पाठलाग केला आणि मंगळवेढा शहराजवळ तिला गाठले. पोलिसांच्या चौकशीत धक्कादायक माहिती समोर आली:
संबंधित महिला ही गुजरात राज्यातील आहे. तिचे यापूर्वीच लग्न झाले असून तिला अपत्यही आहे. ती मराठा समाजातील नसून केवळ पैसे उकळण्यासाठी हा खोटा बनाव रचला होता.
पोलिस कारवाई आणि आवाहन
विकास आवताडे यांच्या फिर्यादीवरून पोलिसांनी संबंधित महिला आणि एजंटवर गुन्हा दाखल केला आहे. विशेष म्हणजे, याच तालुक्यातील दक्षिण भागात अशाच प्रकारे एका महिलेने दोन तरुणांची फसवणूक केल्याची चर्चा आहे, मात्र बदनामीच्या भीतीने त्यांनी तक्रार केलेली नाही.
लग्नासारखे महत्त्वाचे निर्णय घेताना मध्यस्थांवर डोळे झाकून विश्वास ठेवू नका. मुलीची आणि तिच्या कुटुंबाची पूर्ण शहानिशा केल्याशिवाय आर्थिक व्यवहार करणे टाळा.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
