मंगळवेढा टाईम्स न्युज नेटवर्किंग।
भोंदूबाबा आणि कॅप्टन अशोक खरातला बलात्काराच्या प्रकरणामध्ये अटक करण्यात आली आहे. पण, या नराधम आणि विकृत अशोक खरात सोबत राज्याच्या महिला आयोगाच्या अध्यक्षा रुपाली चाकणकर यांचे पोटो आणि व्हिडीओ व्हायरल झाले होते.
एवढंच नाहीतर रुपाली चाकणकर यांनी या बलात्कारी बाबाचे पाय सुद्धा धुतल्याचे व्हिडीओ समोर आले होते. विरोधकांनी या प्रकरणी चाकणकरांच्या राजीनाम्याची मागणी लावून धरली. अखेरीस रुपाली चाकणकर यांना आपल्या पदाचा राजीनामा द्यावा लागला आहे.
अशोक खरात प्रकरणामुळे रुपाली चाकणकर पुरत्या अडचणीत सापडल्या होत्या. दररोज नव नवीन व्हिडीओ आणि फोटो समोर येत होते. एवढंच नाहीतर राष्ट्रवादीतूनही या प्रकरणावर नाराजी व्यक्त केली.
राष्ट्रवादीच्या नेत्या रुपाली ठोंबरेंनी तर उघडपणे चाकणकरांवर टीकेची संधी सोडली नाही. त्यामुळे संध्याकाळी राजकीय घडामोडींना वेग आला. चाकणकरांनी पोलीस महासंचालकांची भेट घेतली.
या भेटीनंतर मुख्यमंत्री देवेंद्र फडणवीस यांनी चाकणकर यांना तातडीने राजीनामा देण्याचे आदेश दिले.
मुख्यमंत्र्यांच्या आदेशानंतर महिला आयोगाच्या अध्यक्षा रूपाली चाकणकर देवगिरी बंगल्यावर दाखल झाल्यात. उपमुख्यमंत्री सुनेत्रा पवार यांची भेट घेतली.
यावेळी सुनेत्रा पवार आणि चाकणकर यांच्यामध्ये जवळपास २० ते २५ मिनिटं चर्चा झाली. या भेटीमध्ये चाकणकर यांनी आपली बाजू मांडली. त्यानंतर उपमुख्यमंत्री आणि राष्ट्रवादीच्या अध्यक्षा सुनेत्रा पवार यांच्याकडे चाकणकर यांनी आपला राजीनामा सुपूर्द केला. हा राजीनामा मुख्यमंत्री देवेंद्र फडणवीस यांच्या उद्देशून लिहिला आहे.
चाकणकर यांनी पत्रात काय लिहिलं?
प्रति,
मा. ना. श्री. देवेंद्रजी फडणवीस साहेब,
मुख्यमंत्री,
महाराष्ट्र राज्य
विषय: अध्यक्षा, महाराष्ट्र राज्य महिला आयोग ह्या पदाचा राजीनामा स्विकारणेबाबत
माननीय महोदय,
मी, सौ. रुपाली निलेश चाकणकर, वरील विषयान्वये आपणांस विनंतीपूर्वक कळवू इच्छिते की, दि. १५ ऑक्टोबर २०२४ रोजी माझी महाराष्ट्र राज्य महिला आयोगाची अध्यक्षा म्हणून नियुक्ती झाली होती. माझ्या वैयक्तिक कारणाने मी स्वेच्छेनं सदर पदाचा राजीनामा ह्या पत्राद्वारे आपणांस सादर करत आहे.
आजवर माझ्यावर विश्वास दाखवून आपण मला सर्वतोपरी सहकार्य केले त्याबद्दल मी आपली व सर्व सहकाऱ्यांची शतश: ऋणी आहे. भविष्यातही आपले असेच सहकार्य राहील असा मला विश्वास आहे.
तरी आपण माझा अध्यक्षा, राज्य महिला आयोग ह्या पदाचा राजीनामा स्वीकारावा अशी आपणांस नम्र विनंती आहे.
धन्यवाद…!
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
